rKTs

e-texts navigator

Volume

Page

21a₁ yang drang po dang drang po'i rang bzhin can ma yin la/ rtog pa dang sel nus la/ rang gi lta ba mchog tu 'dzin par gnas pa de dag gis ni chos de thos na nga'i dgongs te bshad pa zab mo yang dag pa ji lta ba bzhin mi shes te/ chos de la mos kyang chos 'di dag
21a₂ thams cad ni ngo bo nyid med pa kho na yin no/ /chos 'di dag thams cad ni ma skyes pa kho na'o/ /ma 'gags pa kho na'o/ /gzod ma nas zhi ba kho na'o/ /rang bzhin gyis yongs su mya ngan las 'das pa kho na'o zhes chos kyi don la sgra ji bzhin kho nar mngon par zhen par byed
21a₃ de/ de dag gzhi des na chos thams cad la med par lta ba dang / mtshan nyid med par lta ba 'thob par 'gyur te/ med par lta ba dang / mtshan nyid med par lta ba thob nas kyang thams cad la mtshan nyid thams cad kyis skur pa 'debs te/ chos rnams kyi kun brtags pa'i
21a₄ mtshan nyid la skur pa 'debs/ chos rnams kyi gzhan gyi dbang gi mtshan nyid dang / yongs su grub pa'i mtshan nyid la yang skur pa 'debs so/ /de ci'i phyir zhe na/ don dam yang dag 'phags 'di ltar gzhan gyi dbang nyid dang / yongs su grub pa'i mtshan nyid yod na ni/ kun
21a₅ brtags pa'i mtshan nyid kyang rab tu shes par gyur na/ de la gang dag gzhan gyi dbang gi mtshan nyid dang / yongs su grub pa'i mtshan nyid la mtshan nyid med par mthong ba de dag gis ni kun brtags pa'i mtshan nyid la yang skur pa btab pa yin pa'i phyir te/ de lta bas na de dag ni
21a₆ mtshan nyid rnam pa gsum char la yang skur pa 'debs pa zhes bya'o/ /de dag ni nga'i chos la chos su 'du shes pa dang don ma yin pa la don du 'du shes pa yin te/ nga'i chos la chos su 'du shes pa dang / don ma yin pa la don du 'du shes pa de dag chos la yang chos su 'dzin/
21a₇ don ma yin pa la yang don du 'dzin to/ /de dag chos la mos pas dge ba'i chos rnams kyis 'phel mod kyi/ 'on kyang don ma yin pa la mngon par zhen pas shes rab las yongs su nyams par 'gyur te/ shes rab las yongs su nyams na dge ba'i chos shin tu rgya che ba dang / shin tu

_{iiif viewer powered by OpenSeadragon}

20b - 21b

Texts on this page