rKTs

e-texts navigator

Volume

Page

20b₁ nams dang ye shes kyi tshogs chen po yang dag par ma grub pa/ drang po dang drang po'i rang bzhin can/ rtog pa dang sel mi nus pa/ rang gi lta ba mchog tu 'dzin par mi gnas pa de dag gis ni chos de thos na nga'i dgongs te bshad pa yang yang dag pa ji lta ba bzhin du rab tu
20b₂ mi shes mod kyi/ 'on kyang chos de la mos par byed cing dad pa yang 'thob ste/ mdo sde 'di dag ni de bzhin gshegs pas gsungs pa zab pa zab par snang ba/ stong pa nyid dang ldan pa mthong bar dka' ba/ rtogs par dka' ba/ brtag mi nus pa/ rtog ge'i spyod
20b₃ yul ma yin pa/ zhib mo brtags pa'i mkhas pa mdzangs pas rig pa yin no zhes mos par byed do/ /mdo sde de dag gi don bstan pa dag gi don bstan pa dag la bdag mi shes so snyam nas 'dug ste/ 'di skad ces sangs rgyas kyi byang chub ni zab chos rnams kyi chos nyid
20b₄ kyang zab ste/ de bzhin gshegs pa nyid kyis mkhyen gyi bdag cag gis ni mi shes so/ /de bzhin gshegs pa rnams kyi chos bstan pa ni sems can rnams la mos pa sna tshogs kyis 'jug pa yin te/ de bzhin gshegs pa rnams ni mkhyen pa dang gzigs pa mtha' yas
20b₅ pa yin gyi/ bdag cag gi shes pa dang mthong ba ni ba lang gi rjes tsam mo snyam nas/ de dag mdo sde de rnams la gus par byas te yi ger 'dri bar yang byed/ yi ger bris nas 'chang bar yang byed/ klog par yang byed/ yang dag par 'ged par yang byed/ mchod
20b₆ par yang byed/ lung nod par yang byed/ 'don par yang byed/ kha ton du yang byed mod kyi/ 'di ltar nga'i dgongs te bshad pa zab mo 'di ma rtogs pa'i phyir bsgom pa'i rnam pas sbyor bar mi nus so/ /de dag gzhi des na bsod nams kyi tshogs kyis kyang 'phel
20b₇ bar 'gyur/ ye shes kyi tshogs kyis kyang 'phel bar 'gyur la/ gong du yang rgyud yongs su ma smin pa dag kyang yongs su smin par byed do/ /ci ste sems can de dag las sems can gang dag bsod nams dang ye shes kyi tshogs chen po'i bar du yang dag par grub pa ma yin

_{iiif viewer powered by OpenSeadragon}

20a - 21a

Texts on this page