| e-texts navigator |
| བོད་ཡིག |
20a1 grangs kyis byang chub sems dpa' yin par bstan te/ 'di ltar de ni nyon mongs pa'i sgrib pa las rnam par grol nas/ de bzhin gshegs pa rnams kyis bskul na/ shes bya'i sgrib pa las sems rnam par grol bar byed pa'i phyir ro/ /de ni dang
20a2 por bdag gi don la sbyor ba'i rnam pas nyon mongs pa'i sgrib pa las rnam par grol te/ de'i phyir de bzhin gshegs pas de nyan thos kyi rigs su 'dogs so/ /don dam yang dag 'phags 'di ltar nga'i chos 'dul ba legs par gsungs pa shin tu gya nom pa bsam pa shin tu
20a3 rnam par dag pa ston pa/ chos legs par bstan pa la ni sems can rnams kyi mos pa'i rim pa yang snang ste/ don dam yang dag 'phags 'di la de bzhin gshegs pa ni ngo bo nyid med pa nyid rnam pa gsum po de dag nyid las dgongs nas drang ba'i don gyi mdo brjod pa'i rnam
20a4 pas 'di lta ste/ chos thams cad ngo bo nyid med pa/ chos thams cad ma skyes pa/ ma 'gags pa/ gzod ma nas zhi ba/ rang bzhin gyis yongs su mya ngan las 'das pa'o zhes chos ston to/ /de la sems can gang dag dge ba'i rtsa ba chen po bskyed pa dang / sgrib
20a5 pa yongs su dag pa/ rgyud yongs su smin pa/ mos pa mang ba/ bsod nams dang ye shes kyi tshogs chen po yang dag par grub pa de dag gis ni chos de thos na nga'i dgongs te bshad pa yang dag pa ji lta ba bzhin du rab tu shes shing / chos de la yang chos shes par 'gyur la/ don
20a6 de yang shes rab kyis yang dag pa ji lta ba bzhin du rtogs par 'gyur zhing / de rtogs pa goms pas kyang myur ba myur ba kho nar shin tu mthar thug pa nyid rjes su 'thob par 'gyur te/ de la yang a la la bcom ldan 'das de ni yang dag par rdzogs pa'i sangs rgyas yin te/ des
20a7 ni chos thams cad legs par mngon par rdzogs par sangs rgyas so zhes dad pa thob par 'gyur ro/ /de la sems can gang dag dge ba'i rtsa ba ma bskyed pa dang / sgrib pa yongs su ma dag pa dang / rgyud yongs su ma smin pa dang / mos pa chen po ma yin pa/ bsod
iiif viewer powered by OpenSeadragon
Texts on this page
D106 - 'phags pa dgongs pa nges par 'grel pa zhes bya ba theg pa chen po'i mdo