rKTs

e-texts navigator

Volume

Page

19a₁ med pa nyid de la mtshan nyid ngo bo nyid med pa nyid dang / don dam pa ngo bo nyid med pa nyid rnam pa gnyis yang dag pa ji lta ba bzhin du mi shes pas/ 'du byed thams cad las yang dag par skyo bar mi 'gyur/ yang dag par 'dod chags dang bral bar mi
19a₂ 'gyur/ yang dag par rnam par grol bar mi 'gyur zhing / nyon mongs pa'i kun nas nyon mongs pa las kyang yongs su grol bar mi 'gyur/ las kyi kun nas nyon mongs pa las kyang yongs su grol bar mi 'gyur/ skye ba'i kun nas nyon mongs pa las kyang yongs su grol
19a₃ bar mi 'gyur bas/ yang de bzhin gshegs pa de dag la 'di lta ste/ mtshan nyid ngo bo nyid med pa nyid dang / don dam pa ngo bo nyid med pa nyid las brtsams nas 'di ltar 'du byed thams cad las yang dag par skyo bar bya ba dang / 'dod chags dang bral bar bya ba dang / rnam
19a₄ par grol bar bya ba dang / nyon mongs pa'i kun nas nyon mongs pa las yang dag par bzla ba dang / las kyi kun nas nyon mongs pa las yang dag par bzla ba dang / skye ba'i kun nas nyon mongs pa las yang dag par bzla ba'i phyir chos ston to/ /de dag gis chos de thos nas
19a₅ gzhan gyi dbang gi ngo bo nyid la kun brtags pa'i ngo bo nyid kyi mtshan nyid du mngon par zhen pa med pas skye ba ngo bo nyid med pa nyid de/ de la mtshan nyid ngo bo nyid med pa nyid du don dam pa ngo bo nyid med pa nyid du mos par byed/ rab tu rnam par 'byed par byed/ ji lta ba bzhin du rtogs
19a₆ par byed cing 'di lta ste/ tha snyad btags pas yongs su ma bsgos pa'i shes pa tha snyad btags pa dang rjes su 'brel pa med cing tha snyad bag la nyal med pa'i shes pas gzhan gyi dbang gi mtshan nyid de/ tshe 'di la shes pa'i stobs bskyed pa dang / phyi ma la rgyud yang dag par chad
19a₇ pas 'gog par byed de/ gzhi des 'du byed thams cad las yang dag par skyo ba dang / yang dag par 'dod chags dang bral ba dang / yang dag par rnam par grol bar 'gyur zhing nyon mongs pa'i kun nas nyon mongs pa dang / las kyi kun nas nyon mongs pa dang / skye ba'i

_{iiif viewer powered by OpenSeadragon}

18b - 19b

Texts on this page