| e-texts navigator |
| བོད་ཡིག |
191b1 mig la sogs las byung / /thog ma med nas rnam par 'brel/ /don snang bag chags rnams las byung / /ji ltar snang ba sems snang ste/ /mu stegs lta ba bzlog pa yi/ /de yi rgyus byung gzhan nyid kyang / /de la dmigs nas 'jug par 'gyur/ /de las lta ba shes pa dag /
191b2 'khor bar rab tu 'jug par 'gyur/ /dngos po rmi lam sgyu ma 'dra/ /dri za'i grong khyer rnams bzhin te/ /smig rgyu ba dang chu zla ltar/ /rang gi rnam rtog rnam par sgoms/ /'jug pa'i rnam pas de bzhin nyid/ /yang dag ye shes de yi gnas/ /sgyu ma dpa' bar 'gro la sogs/ /
191b3 ting nge 'dzin ni gzhan rnams dang / /mngon par shes dang dbang rnams dang / /ye shes sgyu ma lta bu dang / /de bzhin gshegs pas dbang bskur ba/ /sa la zhugs nas thob par 'gyur/ /gang tshe 'gro ba rnam rtog mthong / /de tshe sems ni ldog par 'gyur/ /sa ni rab tu dga' ba
191b4 dang / /sangs rgyas sa dang sa rnams 'thob/ /gnas ni rab tu gyur pa'i phyir/ /ji ltar sna tshogs nor bu bzhin/ /sems can rnams kyi don byed de/ /chu la gzugs brnyan ji bzhin no/ /yod dang med pa'i phyogs rnams dang / /gnyis dang gnyis med pa dang bral/ /nyan thos rang
191b5 rgyal 'das gyur na/ /sa bdun por ni 'gyur ba yin/ /so so rang chos mthong bas ni/ /yang dag pa yi sa sbyangs te/ /phyi rol mu stegs rnams spangs pa'i/ /theg pa chen po bshad par bya/ /rnam par rtog par rab gyur na/ /shi 'phos 'jig pa rnams spangs pa/ /ri bong spu yi nor bu
191b6 bzhin/ /grol ba rnams la tshul yang bshad/ /ji ltar tshig la tshig gnas pa/ /gal te rigs la rigs de bzhin/ /de phyir rigs pa'i rigs pa yin/ /de las gzhan du ma rtog cig /mig dang las dang sred pa dang / /ma rig de bzhin tshul bzhin min/ /ming dang gzugs dang yid rnams
191b7 dang / /rnyog pa'i yid kyang de bzhin no/ /'phags pa lang kar gshegs pa zhes bya ba theg pa chen po'i mdo ji snyed pa rdzogs so// //bcom ldan 'das kyi ring lugs pa 'gos chos grub kyis rgya'i dpe las bsgyur te gtan la phab pa'o// //
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo