rKTs

e-texts navigator

Volume

Page

191a₁ can gyis mi shes so/ /sems dang sems can mya ngan 'das/ /rang bzhin gyis ni 'od gsal te/ /yid la sogs pa'i nyes pa yis/ /nyon mongs mkha' bzhin tha dad min/ /glang po'i mal sogs bzhin sngon yod/ /mu stegs lta bas dri mar byas/ /yid kyi rnam
191a₂ par shes pas g.yogs/ /me la sogs pas rnam par sbyangs/ /de yis yang dag ji bzhin mthong / /mthong nas nyon mongs rnams kyang bshig /thibs po'i dpe rnams rab spangs te/ /de dag 'phags pa'i spyod yul dong / /shes dang shes bya'i bye brag gis/ /de
191a₃ gnyis gzhan du mi brtag pa/ /blo ngan rnams kyis mi rtogs te/ /brjod du med pa smra bar byed/ /ji ltar tsan dan byas pa'i rnga/ /byis pa dag ni gzhan du byed/ /de bzhin tsan dan a gar 'dra'i/ /shes pa rtog ge ngan pas so/ /langs nas kha zas phyis mi
191a₄ len/ /lhung bzed gnas dang phying pa can/ /gdong 'gyur la sogs nyes pa can/ /dag pas zas la spyad par bya/ /su zhig tshul 'di rigs pas dpog byed pa/ /dad ldan rnal 'byor brtson zhing mi rtog pa/ /mi gnas don la rten par gyur pa de/ /chos kyi rnam
191a₅ par gser bzhin spyad par bya/ /blun pas srid dang mi srid rkyen rtog pa/ /de ni lta ngan dra ba dri mar bcas/ /'dod chags zhe sdang gti mug bcas pa ldog /chags med sangs rgyas phyag gis dbang bskur 'gyur/ /mu stegs rgyu yi phyogs kyis bslad/ /gzhan
191a₆ yang rkyen gyis rnam par rmongs/ /gzhan dag rgyu med de 'byung bas/ /don med pa ni chad pa'o/ /yid dang rnam par shes pa dang / /rnam par smin pa gyur pa ste/ /yid ni kun gzhi las byung ba/ /rnam par shes pa yid las byung / /kun gzhi las ni
191a₇ sems kun kyang / /dba' rlabs bzhin du 'byung bar 'gyur/ /thams cad bag chags rgyu las byung / /rkyen bzhin du ni 'byung ba'o/ /skad cig tha dad 'brel bas sbrel/ /rang gi sems ni don la 'dzin/ /dbyibs kyi mtshan nyid rnam par dag /yid dang

_{iiif viewer powered by OpenSeadragon}

190b - 191b

Texts on this page