| e-texts navigator |
| བོད་ཡིག |
190a1 bdag ni rta dang 'dra bar yod/ /phung po ba lang ngo bo spangs/ /'dus byas 'dus ma byas pa la/ /smrar med brjod med rang bzhin no/ /lung dang rigs pas ngan par mthong / /rtog ge'i lta bas dri mar byas/ /phye ba med par bdag tu smra/ /
190a2 rgyu med ma yin gzhan na med/ /de dag gi ni nyes bsags pa/ /phung po bdag tu mi bsgom ste/ /gcig pa dang ni de las gzhan/ /rtog ge can gyis mi shes so/ /me long chu dang mig rnams la/ /ji ltar gzugs brnyan snang 'gyur ba/ /gcig dang tha dad bral ba
190a3 bzhin/ /de bzhin gang zag phung po la'o/ /bsgom dang rnam bsgom bsam gtan pa/ /lam dang bden dang mthong ba ste/ /de rnams gsum ni rnam bsgoms na/ /lta ba ngan las grol bar 'gyur/ /ji ltar mthong na zhig pa'i glog /khyim gyi bu ga'i 'khor lo ltar/ /
190a4 de bzhin chos kun 'gyur ba la/ /byis pa bzhin du ma rtog shig /dngos po med pas mya ngan 'das/ /byis pa'i sems ni rmongs par byed/ /ji ltar 'dug bzhin mthong ba dang / /'phags pas mthong ba yod pa'i phyir/ /skye ba dang ni 'jig bral zhing / /dngos po
190a5 yod dang med spangs pa/ /mtshan nyid mtshan gzhi bral ba yi/ /'gyur ba rnam par bsgom par bya/ /mu stegs can gyi smra dang bral/ /ming dang dbyibs ni spangs gyur pa/ /nang gi lta ba'i gnas rnams kyi/ /'gyur ba rnam par bsgom par gyis/ /reg pa dang
190a6 ni gzir ba yis/ /lha dang sems can dmyal ba'i lus/ /bar ma do yi srid med de/ /rnam par shes pas bskyed pa yin/ /mngal sgong drod gsher la sogs pa'i/ /srid pa bar mar 'byung ba dag /sems can mang po sna tshogs bzhin/ /'gro dang 'gro bar
190a7 rnam par bsgoms/ /lung dang rigs par bral gyur pa/ /nyon mongs phyogs dang zad 'thob byed/ /mu stegs lta ba'i smra ba la/ /blo gros can gyis mi spyad do/ /thog mar nye bar len pa las/ /bdag ni phye bas bye brag dbye/ /ma phye bye brag 'byed
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo