rKTs

e-texts navigator

Volume

Page

18b₁ pa'i ngo bo nyid kyi mtshan nyid du mngon par zhen no/ /ji lta ji ltar mngon par zhen pa de lta de ltar gzhan gyi dbang gi ngo bo nyid la kun brtags pa'i ngo bo nyid du mngon par zhen pa'i rgyu de dang / rkyen des phyi ma la gzhan gyi dbang gi ngo bo nyid kun tu bskyed de/ gzhi des na/ nyon
18b₂ mongs pa'i kun nas nyon mongs pas kyang kun nas nyon mongs par 'gyur/ las kyi kun nas nyon mongs pa dang skye ba'i kun nas nyon mongs pas kyang kun nas nyon mongs par 'gyur zhing / yun ring por yang na sems can dmyal ba rnams dang / yang na dud 'gro rnams
18b₃ sam/ yang na rnams sam/ yang na lha rnams sam/ yang na lha ma yin rnams sam/ yang na mi rnams kyi nang du kun tu rgyug cing 'khor bar 'gyur te/ 'khor ba las mi 'da' ba'i phyir ro/ /don dam yang dag 'phags de la sems can gang dag dang po
18b₄ nyid nas dge ba'i rtsa ba ma bskyed pa/ sgrib pa yongs su ma dag pa rgyud yongs su ma smin pa mos pa mi mang ba/ bsod nams dang ye shes kyi tshogs yang dag par ma grub pa de dag la ni nga skye ba ngo bo nyid med pa nyid las brtsams nas chos ston te/ de dag gis chos de thos
18b₅ nas rten cing 'brel bar 'byung ba'i 'du byed rnams la mi rtag pa nyid du shes shing mi brtan pa nyid dang / yid brtan du mi rung ba nyid dang / 'gyur ba'i chos nyid du shes nas/ 'du byed thams cad las yid sdang bar byed skyo bar byed do/ /yid sdang bar byas skyo bar byas
18b₆ nas sdig pa las phyir zlog ste/ de dag sdig pa gang yin pa de mi byed cing dge ba la sten par byed do/ /dge ba la bsten pa'i rgyus dge ba'i rtsa ba ma bskyed pa rnams ni skyed do/ /sgrib pa yongs su ma byang ba rnams kyang yongs su sbyong ngo / /rgyud yongs su ma smin pa
18b₇ yang yongs su smin par byed do/ /gzhi des mos pa mang zhing bsod nams dang ye shes kyi tshogs yang dag par grub par 'gyur ro/ /de dag de ltar dge ba'i rtsa ba bskyed pa nas bsod nams dang ye shes kyi tshogs kyi bar du yang dag par 'grub mod kyi/ 'on kyang skye ba ngo bo nyid

_{iiif viewer powered by OpenSeadragon}

18a - 19a

Texts on this page