| e-texts navigator |
| བོད་ཡིག |
189b1 nga la 'bul/ /mi skye smra ba'i rgyur 'dod pa/ /skyes sam skyes par 'gyur yang rung / /ma skyes pa ni sgrub par 'gyur/ /tshig tsam du ni brjod pa yin/ /sems de 'byung bar byed pa yi/ /rgyu ni ma rig de yin te/ /ji srid gzugs dag mi shes pa/ /de srid bar du de
189b2 gnas ci/ /zhig par gyur ma thag tu ni/ /sems ni gzhan rnams rab 'byung ste/ /gzugs ni dus su mi gnas na/ /ci la dmigs te 'byung bar 'gyur/ /gang las gang du 'jug pa yi/ /sems ni log pa'i rgyu las byung / /de ni rab tu ma grub na/ /ji ltar
189b3 skad cig 'jig par rig / rnal 'byor can gyi snyoms 'jug dang / /gser dang rgyal ba'i ring bsrel dang / /'od snang gnas kyi gzhal med khang / /'jig rten rgyu yis 'jig par med/ /gnas pa rnams dang thob pa'i chos/ /sangs rgyas ye shes phun sum
189b4 tshogs/ /dge slong nyid dang shes thob rnams/ /skad cig mar ni ji ltar mthong / /sgyu ma dri za'i grong sogs kyi/ /gzugs rnams ji ltar skad cig pa/ /'byung ba rnams ni 'byung 'gyur min/ /'gro bar 'byung bcang mi byed/ /sems ni ma rig rgyu las byung / /
189b5 thog ma med nas bsags pa yin/ /skye bar 'jig dang kun 'brel bar/ /rtog ge pa dag rab tu rtog /grangs can smra ba rnam gnyis te/ /gtso bo las ni 'gyur ba dag /gtso bo yod na 'bras bu yod/ /'bras bu bdag nyid rab tu sgrub/ /gtso bo dang ni dngos
189b6 'jug par/ /yon tan bye brag rab tu bsgrags/ /rgyu dang 'bras bu sna tshogs pa/ /'gyur ba la ni med pa yin/ /ji ltar dngul chu dag pa la/ /dri ma rnams kyis mi chags pa/ /de bzhin lus can thams cad kyi/ /kun gzhi gnas kyang dag pa'o/ /
189b7 shing kun dri dang sgog pa dang / /sbrum ma'i bur ni mthong ba dang / /lan tshwa la sogs ro yod dang / /ci phyir sa bon bzhin mi 'gyur/ /de nyid dang ni tha dad dang / /de bzhin gnyis ka gnyis ma yin/ /yod pa yi ni rgyu med de/ /'dus byas la med med pa min/
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo