| e-texts navigator |
| བོད་ཡིག |
188b1 bdag gis thos la sogs/ /shAkya seng ge'i bshad pa yin/ /sgrung dang sngan chad byung ba dag /de dag rgyas pa'i yin par 'gyur/ /'jug sel dang ni dbang phyug kyang / /'byin par byed pa 'chad par 'gyur/ /mya ngan nga 'das phyin chad ni/ /de lta bu
188b2 la sogs par 'byung / /nga yi ma ni nor ldan te/ /pha ni bram ze skye dgu'i bdag /nga ni kA t+yA ya na'i rigs/ /ming ni rdul med rgyal ba'o/ /yab dang mes dang nga bdag kyang / /yul ni tsam par skyes pa ste/ /mtshan ni zla ba skyabs zhes bya/ /zla ba'i
188b3 rigs las de skyes so/ /thar par zhugs shing brtul zhugs spyad/ /tshul yang rnam pa stong bshad nas/ /blo gros chen po dbang bskur te/ /lung bstan byas nas mya ngan 'da'/ /chos la blo ni sbyin par bya/ /chos kyis me khal la la sbyin/ /me khal slob ma zhan pas na/ /
188b4 bskal pa'i mthar ni 'jig par 'gyur/ /'od srung dang ni log dad sel/ /'dren pa gser thub rnam dag dang / /rdul med nga dang gzhan dag dang / /de dag thams cad byas dus rgyal/ /de yi 'og tu byas dus la/ /'dren pa blo gros zhes bya ba/ /shes bya
188b5 lnga rnams ston pa'o/ /dpa' bo chen po 'byung bar 'gyur/ /gnyis gzhan la min skyob byung min/ /rtsod dus phyi ma'i tshe la yang / /'jig rten mgon po 'byung mi 'gyur/ /byas dus la ni rdzogs 'tshang rgya/ /mi phrog pa dang ngo shes bya/ /ma dras kha tshar bcas
188b6 pa ste/ /rma bya'i mdongs su 'dra ba yis/ /steng yog ri mo bri bar bya/ /mdongs dang mdongs kyi bar du ni/ /sor gnyis sor gsum tshad du bya/ /de las gzhan du bris na ni/ /byis pa rnams kyang chags par 'gyur/ /rtag par 'dod chags me zhi bya/ /
188b7 ye shes chus ni khrus kyang bya/ /rnal 'byor gyis ni nan tan du/ /dus mtshams gsum dang sdom gsum byas/ /mda' dang rdo dang shing la sogs/ /'phen la sogs pas bskyod pa dang / /gcig 'phags na ni gcig lhung 'gyur/ /dge dang mi dge de bzhin no/ /
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo