| e-texts navigator |
| བོད་ཡིག |
186a1 na/ /ji ltar 'khor ba skyes par 'gyur/ /skyes ma thag tu 'jug par ni/ /rnam par 'dren pa mi 'chad do/ /dngos po rnams kyi rnam rtog pa/ /'gro bar bar chad med par g.yo/ /dbang po rnams dang dbang po'i don/ /mkhas la ma yin blun po la/ /
186a2 byis pa rnams ni ming gis 'dzin/ /'phags pa ming gis don la mkhas/ /drug po la ni nyer len med/ /nyer len bcas pa mi zin to/ /yod pa'i nyes dang rnam bral ba/ /bye brag mi 'byed 'phags pa smra/ /shes pa spangs pa'i rtog ge pa/ /rtag dang chad
186a3 pas 'jigs pa dag / 'dus byas 'dus ma byas la bdag /byis pa bye brag mi byed do/ /gcig pa la yang sbyin pa yod/ /tha dad pa la'ang yod pa min/ /sems dang lhan cig gcig pa ste/ /yid la sogs dang tha dad do/ /sems dang sems las byung bsgrags
186a4 pa'i/ /sbyin pa gang tshe nyer len las/ /dbye na de la ji ltar na/ /gcig par khong du chud par bya/ /nyer len bcas pa'i dmigs pa ni/ /las dang tshe dang byed sogs pas/ /'dra dang mi 'dra tshul rnams kyis/ /med bzhin du ni sgrub par byed/ /ji ltar bsreg bya sreg
186a5 byed la/ /me ni cig car sreg pa bzhin/ /de bzhin nyer len bcas pa'i bdag /ci phyir rtog ge can mi ston/ /rtag tu skyes dang ma skyes kyang / /sems ni shin tu 'od gsal na/ /bdag bsgrubs pa yi dpe dag dang / /ci phyir rtog ge can mi byed/ /rtog ge
186a6 can ni tshul spangs pa/ /rnam shes thibs por rmongs pa dag /bdag tu smra bar byed 'dod pas/ /phan tshun dag tu rab tu rgyug /so so rang rig rtogs bya ba/ /bdag ni rnam dag mtshan nyid de/ /de bzhin gshegs pa'i snying po de/ /rtog
186a7 ge can gyi spyod yul min/ /nyer len nyer bar len byed kyi/ /bye brag dang ni phung po yi/ /mtshan nyid gal te shes gyur na/ /tshul gyi ye shes skye bar 'gyur/ /mu stegs can gyis brjod pa ni/ /kun gzhi snying po lta bu bsam/ /bdag
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo