| e-texts navigator |
| བོད་ཡིག |
185b1 pa'i rtog ge ba/ /yod dang med pa'i phyogs su lhung / /dben pa'i don gyis rnam par spangs/ /dbyibs dang byad kyi bye brag dag /'byung las skyes te 'byung ba min/ /mu stegs can ni 'byung 'gyur dang / /'byung ba rnams kyang skye bar smra/ /de las gang gzhan mu
185b2 stegs can/ /rgyu las ma skyes rtog par byed/ /yod med phyogs las rten pa'i rnams/ /rmongs pas khong du mi chud do/ /sems dang lhan cig ldan pa ste/ /yid la sogs dang bral ba yin/ /rnam dag mtshan nyid sems can ni/ /ye shes dang ni
185b3 lhan cig gnas/ /gzugs dang las ni gang yod dang / /phung po yul gyi rgyus byung dang / /sems can rnams kyang nyer len med/ /gzugs med pa na mi gnas so/ /sems can med par gyur pa'i phyir/ /sems can smra la bdag med gyur/ /rnam
185b4 par shes pa'ang mi 'byung phyir/ /bdag med smra ba chad par gyur/ /de yi gnas pa bzhi po rnams/ /gzugs med par ni ji ltar yod/ /phyi nang dngos po med pa'i phyir/ /rnam par shes pa mi 'jug go/ /srid pa bar ma'i phung po rnams/ /rtog ge can rnams
185b5 'dod pa ltar/ /de bzhin gzugs med par skyes pa'i/ /srid pa'i gzugs ni med dam ci/ /sems can rnam shes med na ni/ /nan tan ma byas thar par 'gyur/ /mu stegs smra ba the tsom med/ /rtog ge can gyis mi shes so/ /de na gzugs kyang yod pa ste/ /
185b6 gzugs med pa la lta ba med/ /de med pas na grub mtha' med/ /theg pa med cing 'gro ba med/ /dbang po rnams dang ldan pa yi/ /bag chags las byung rnam shes pa/ /rnam pa brgyad las phyogs gcig ni/ /skad cig dus su mi 'dzin to/ /ji ltar
185b7 gzugs ni mi 'jug ltar/ /dbang po rnams dang dbang mi 'jug /de phyir bcom ldan 'das kyis kyang / /dbang po la sogs skad cig bshad/ /gzugs ni rtog par ma gyur par/ /rnam par shes par ji ltar 'jug /rnam par shes par ma zhugs
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo