rKTs

e-texts navigator

Volume

Page

184b₁ ni ldog pa rnams/ /smra ba'i mchog gis bdag la gsungs/ /yod dang med las rnam grol zhing / /rgyu dang 'bras bu mi 'jig pa'i/ /sa yi rim pa'i mtshams sbyor ba/ /pad mo'i spyan gyis bdag la gsungs/ /'jig rten mtha' gnyis lhung ba ni/ /lta bas rnam par dkrugs
184b₂ gyur pas/ /skye dang mi skye la sogs phyir/ /zhi ba yi ni rgyu mi rtogs/ /nga la dkyil 'khor gang yang med/ /nga ni chos nyid mi 'chad de/ /gnyis yod na ni nyes par 'gyur/ /gnyis ni sangs rgyas rnams kyis sbyangs/ /stong pa skad cig dngos po rnams/ /rang bzhin med
184b₃ cing skye med pa/ /lta ngan smra bas g.yogs pa rtog /de bzhin gshegs pa rnams kyis min/ /ji ltar rnam pa gang dag gis/ /yul la mngon sum 'gyur ba dang / /rnam par rtog pa rab 'jug dang / /ldog pa bdag la bshad du gsol/ /kha dog rgyas dang ldan pa'i
184b₄ phyir/ /spros pa rnams kyis bsdus pa'i gzugs/ /mthong nas phyi rol dag tu yang / /rnam par rtog pa rab tu 'jug /de nyid yongs su shes pa dang / /yang dag ji bzhin don mthong phyir/ /'phags pa'i rigs dang 'thun pa yi/ /sems ni mngon par mi 'jug go/ /
184b₅ 'byung ba rnams ni ma gtogs par/ /dngos po skye ba med pa ste/ /rtag par 'byung ba 'dra ba'i sems/ /ma skyes par ni rnam par bsgom/ /rnam par rtog la ma rtog shig /rnam par rtog med mkhas pa'o/ /rnam par rtog la brtags gyur na/ /gnyis min mya ngan
184b₆ 'das ma yin/ /mi skye bar ni dam bcas pa'i/ /tshul ni sgyu ma bzhin du snang / /sgyu ma rgyu med byung ba ste/ /grub mtha' 'das shing nyams par 'gyur/ /thog ma med nas bsgoms pa yi/ /sems ni gzugs brnyan bzhin du snang / /don lta bu ste don med min/ /
184b₇ yang dag ji bzhin rnam par bsgom/ /me long la ni ji ltar gzugs/ /gcig dang tha dad nyid spangs pa/ /snang ste de ni med pa'ang min/ /skye ba'i mtshan nyid de bzhin no/ /dri za sgyu ma la sogs dag /rgyu dang rkyen la ltos pa ltar/ /de bzhin dngos po thams cad kyi/ /'byung ba

_{iiif viewer powered by OpenSeadragon}

184a - 185a

Texts on this page