| e-texts navigator |
| བོད་ཡིག |
183b1 lam gyi rnams/ /rgyal sras rnams la rab tu bshad/ /rang bzhin gsum la 'dzin pa yis/ /so so'i skye bo'i gzung 'dzin lta/ /'jig rten 'das dang 'jig rten pa'i/ /chos rnams rnam par rtog par byed/ /de phyir sngon la blta bya ste/ /rang bzhin rnams ni smos par
183b2 bya/ /lta ba rnams ni bzlog pa'i phyir/ /rang bzhin rnam par mi brtag go/ /nyams pa'i nyes phyir sdom pa med/ /sems kyang 'jug par mi 'gyur ro/ /gnyis su 'dzin phyir 'jug par 'gyur/ /de bzhin nyid ni gnyis med yin/ /mi shes pa dang sred pa las/ /rnam
183b3 shes la sogs tshul ma skyes/ /mthar thug med dang byas pa dang / /srid pa byas las mi skye'o/ /dngos po rnams kyi 'jig pa ni/ /mi mkhas rnams kyis rnam bzhir bshad/ /rnam par rtog pa gnyis 'jug phyir/ /dngos po yod dang dngos med med/ /mtha' bzhi dag las grol
183b4 ba yi/ /lta ba gnyis po rnam spangs pa/ /mthong nas rnam rtog gnyis 'jug ni/ /mngon par 'jug par mi 'gyur ro/ /ma skyes pa yi dngos po rnams/ /blo ni rnam par ldang ba'i phyir/ /skyes pa'i dngos po dag la yang / /de dang 'dra phyir mi brtag go/ /ji ltar bdag dang gzhan
183b5 rnams ni/ /rtag tu yod med ma 'dres par/ /lta ba rnam gnyis bzlog pa yi/ /rigs pa mgon po bdag la gsungs/ /mu stegs smra dang ma 'dres shing / /rang rgyal nyan thos rnams spangs pa/ /rgyal sras rnams ni mi 'jig phyir/ /rgyal bas mngon rtogs spyod pa dag /
183b6 rnam thar rgyu dang rgyu med kyang / /skye ba med par mtshan nyid gcig /rnam grangs gzhan gyis de dag slu/ /mkhas pa rnams kyis rtag tu spang / /sprin dang sprin gyi phung po 'ja' 'dra ba/ /smig rgyu skra shad 'dzings pa sgyu ma 'dra/ /dngos po thams cad rang gi rtog byung ba/ /mu
183b7 stegs 'gro ba rang gi rgyu yis rtog / skye ba med dang de bzhin te/ /yang dag mtha' dang stong pa nyid/ /de dag gzugs kyi ming yin te/ /dngos po med par mi rtog go/ /lag dang byed pa 'jig rten na/ /dbang po brgya byin grong 'jig ltar/ /de bzhin dngos po thams cad
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo