| e-texts navigator |
| བོད་ཡིག |
183a1 chad pa spangs pa yi/ /gzung dang 'dzin pa'i dngos po ru/ /sems ni rnam pa gnyis su snang / /ji srid sems ni 'jug pa'i bar/ /de srid 'jig rten rgyang pan yin/ /'jig rten rang gi sems mthong na/ /rnam par rtog pa mi 'jug go/ /'du ba 'bras bu don grub
183a2 pa/ /zad pa 'bras bu ma mthong ba/ /'du dang zad pa yongs shes na/ /rnam par rtog pa mi 'jug go/ /rtag dang mi rtag byas pa dang / /ma byas pa dang gzhan min gzhan/ /de la sogs pa thams cad ni/ /'jig rten rgyang pan tshul yin no/ /lha dang lha ma yin dang mi/ /
183a3 byol song gshin rje'i gnas/ /gang du lus can skye ba yi/ /'gro ba rnam pa drug tu bshad/ /rab 'bring tha ma'i las rnams kyis/ /de dag tu ni skye bar 'gyur/ /dge ba thams cad bsrungs na ni/ /khyad par du yang thar par 'gyur/ /khyod kyis dge slong sde rnams la/ /
183a4 skad cig skad cig dag la yang / /tshe dang skye dang 'chi bshad pa/ /dgongs pa bdag la bshad du gsol/ /ji ltar gzugs las gzugs gzhan bzhin/ /sems kyang 'dus nas 'jig par 'gyur/ /de'i phyir slob ma rnams la ni/ /skad cig gcig nas gcig skye bshad/ /
183a5 gzugs dang gzugs la rnam rtog pa/ /'byung dang 'jug pa de bzhin no/ /rnam par rtog pa skye ba yin/ /rnam par rtog pa gzhan med do/ /skad cig skad cig gang ngas bshad/ /'di ni rkyen du bshad pa yin/ /gzugs su 'dzin pa rnam spangs pa/ /skye ba med cing 'jig
183a6 pa med/ /rkyen dang rkyen las skyes pa rnams/ /ma rig de bzhin nyid la sogs/ /chos gnyis kyis ni 'jug par 'gyur/ /mi gnyis de bzhin yid gnyis so/ /rkyen dang rkyen las skyes pa yi/ /chos rnams gal te khyad med na/ /rtag la sogs pa 'bras bur 'gyur/ /rkyen
183a7 rnams kyang ni rgyur 'gyur ro/ /rgyu dang 'bras bu bzang ba'i phyir/ /khyod dang sangs rgyas rnams kyi gsung / /mu stegs can dang khyad med 'gyur/ /de phyir thub chen 'phags ma yin/ /'dom gang tsam gyi lus la ni/ /'jig rten kun 'byung 'jig rten dang / /'gog par 'gro ba'i
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo