rKTs

e-texts navigator

Volume

Page

182a₁ la ni bya bzhin no/ /lus dang longs spyod gnas snang ba'i/ /sems ni rab tu 'jug bshad pa/ /snang dang 'jug pa ji ltar cis/ /sems tsam po ni bdag la gsungs/ /lus dang longs spyod gnas rnams dang / /snang dang 'jug pa bag chags dang / /snang dang 'jug
182a₂ par rnam rtog pas/ /mi brtson rnams la skye bar 'gyur/ /dngos po rnam par brtags pa yul/ /sems ni yul las byung ba ste/ /snang ba'i sems ni yongs shes pas/ /rnam par rtog pa mi 'jug go/ /btags pa'i ming ni ming bral dang / /blo dang rig bya spangs par ni/ /'dus
182a₃ byas nam zhig mthong gyur pa/ /de yi tshe na grol bar 'gyur/ /ming la ming ni rnam sgom par/ /shes par bya ba de tsam ste/ /gang dag gzhan du shes byed pa/ /de dag mi shes shes byed min/ /chos lnga rnams dang rang bzhin dang / /rnam par shes pa brgyad rnams dang / /bdag
182a₄ med gnyis kyi nang du ni/ /theg pa chen po thams cad 'dus/ /gang gi tshe na 'gro ba dag /blo dang rig byas dben mthong ba/ /de tshe ming la ming rtog pa/ /mngon par 'jug par mi 'gyur ro/ /sems mthong phyir ni bya ba dang / /yi ge rtog pa phyir ldog go/ /rang gi sems ni ma
182a₅ mthong phyir/ /rnam par rtog pa rab tu 'jug /gzugs med pa yi phung po bzhin/ /de dag las ni bgrang ba med/ /'byung ba tha dad mtshan gyi gzugs/ /ji ltar gzugs rnams mang por 'gyur/ mtshan nyid yongs su btang ba'i phyir/ /'byung las gyur min 'byung ba min/ /
182a₆ 'on te mtshan nyid gzhan gzugs na/ /phung po rnams kyis cir mi skye/ /phung po skye mched rnam grol ba/ /gang tshe mtshan nyid med mthong zhing / /chos la bdag med mthong ba'i phyir/ /de tshe sems ni ldog par 'gyur/ /yul dang dbang po tha dad phyir/ /rnam par shes pa
182a₇ brgyad du skye/ /mtshan nyid kyis ni gsum yin te/ /snang ba med la ldog par 'gyur/ /kun gzhi yid kyi bdag yin te/ /shes pa nyid ni bdag gi yin/ /gnyis su 'dzin pas rab tu 'jug /yongs su rtog na ldog par 'gyur/ /gcig dang tha dad rnam grol

_{iiif viewer powered by OpenSeadragon}

181b - 182b

Texts on this page