rKTs

e-texts navigator

Volume

Page

17b₁ don dam pa yin la/ don dam pa ni chos thams cad kyi ngo bo nyid med pa nyid kyis rab tu phye ba yin pas de'i phyir don dam pa ngo bo nyid med pa nyid ces bya'o/ /don dam yang dag 'phags de la 'di lta ste dper na/ nam mkha'i me tog ji lta ba de lta bur ni mtshan nyid ngo bo nyid med
17b₂ pa nyid blta bar bya'o/ /don dam yang dag 'phags de la 'di lta ste dper na/ sgyu ma byas pa ji lta ba de lta bur ni skye ba ngo bo nyid med pa nyid kyang blta bar bya/ don dam pa ngo bo nyid med pa nyid de las gcig kyang blta bar bya'o/ /don dam yang dag 'phags de la 'di lta ste dper
17b₃ na/ nam mkha'i gzugs kyi ngo bo nyid med pa nyid tsam gyis rab tu phye ba dang / thams cad du song ba ji lta ba de lta bur ni don dam pa ngo bo nyid med pa nyid las chos bdag med pas rab tu phye ba dang thams cad du song ba gcig blta bar bya ste/ don dam yang dag 'phags ngas
17b₄ ngo bo nyid med pa nyid rnam pa gsum po de dag las dgongs nas chos thams cad ngo bo nyid med pa'o zhes bstan to/ /don dam yang dag 'phags de la mtshan nyid ngo bo nyid med pa nyid las dgongs nas/ ngas chos thams cad ma skyes pa/ ma 'gags pa/ gzod ma nas
17b₅ zhi ba/ rang bzhin gyis yongs su mya ngan las 'das pa'o zhes bstan to/ /de ci'i phyir zhe na/ don dam yang dag 'phags 'di ltar rang gi mtshan nyid kyis med pa gang yin pa de ni ma skyes pa yin/ ma skyes pa gang yin pa de ni ma 'gags pa yin/ ma skyes pa dang ma
17b₆ 'gags pa gang yin pa de ni/ gzod ma nas zhi ba yin/ gzod ma nas zhi ba gang yin pa de ni rang bzhin gyis yongs su mya ngan las 'das pa yin/ rang bzhin gyis yongs su mya ngan las 'das pa gang yin pa de la ni/ yongs su mya ngan las bzla bar bya ba kyang
17b₇ med de/ de'i phyir mtshan nyid ngo bo nyid med pa nyid la dgongs nas ngas chos thams cad ma skyes pa/ ma 'gags pa/ gzod ma nas zhi ba/ rang bzhin gyis yongs su mya ngan las 'das pa'o zhes bstan to/ /don dam yang dag 'phags yang don dam pa ngo bo nyid med pa

_{iiif viewer powered by OpenSeadragon}

17a - 18a

Texts on this page