rKTs

e-texts navigator

Volume

Page

179a₁ med smra ba/ /ma 'ongs pa yi dus na 'byung / /dngos po med de rkyen rnams kyis/ /yod pa 'phags pa'i spyod yul lo/ /brtags pa'i dngos po shin tu med/ /rtog ge pa rnams rtog par byed/ /ma 'ongs pa yi dus na ni/ /byis pa'i rang bzhin gzegs zan 'byung / /
179a₂ 'bras bu med smra'i lta ngan pas/ /skye bo mang po rlag par byed/ /rdul phran las ni 'gro ba 'byung / /rdul phran rnams ni rgyu med de/ /rdzas dgu rnams kyang rtag pa'o zhes/ /lta ba ngan pas ston par 'gyur/ /rdzas rnams kyis ni rdzas brtsams te/ /yon tan gyis kyang yon tan no/ /dngos po
179a₃ dag gi dngos nyid gzhan/ /yod pa dag ni 'jig par byed/ /gal te ma byung 'byung 'gyur na/ /'jig rten thog ma yod par 'gyur/ /'khor ba sngon gyi mtha' ma ni/ /ngas ni med par bshad pa yin/ /srid gsum thams cad bgrang ba dag /de ste ma byung 'byung na ni/ /khyi dang rnga
179a₄ mo bong bu la'ang / /rwa skyer 'gyur ba the tsom med/ /gal te gzugs dang rnam shes dang / /mig ni ma skyes skye 'gyur na/ /cod pan re lde ras la sogs/ /'jim pa bsgongs las 'byung bar 'gyur/ /ras la re lde yod pa min/ /rtsi skyang la yang ras med do/ /gcig po las ni
179a₅ gcig 'byung na/ /rkyen rnams kyis kyang cir mi 'byung / /'tsho ba de dang lus de dang / /gang yang ma byung skye ba ni/ /de dag thams cad gzhan smra ba/ /ngas kyang de dag shin tu bshad/ /snga ma'i phyogs ni brjod bya ste/ /de dag blo ni bzlog par bya/ /de dag blo ni bzlog byas nas/ /bdag gi
179a₆ phyogs ni ngas bshad do/ /nga yi slob ma rmongs pa'i sde/ /yod med phyogs la gnas 'ong zhes/ /de phyir mu stegs smra ba dag /ngas ni brjod par byas pa yin/ /yan lag ser skya blo ngan pa'ang / /'gro ba gtso las skyes pa dang / /yon tan rnam par 'gyur ba yang / /slob ma rnams la
179a₇ rab tu ston/ /rkyen gyis byung dang ma byung min/ /rkyen rnams yod pa ma yin te/ /rkyen rnams dngos po med pa'i phyir/ /ma byung ba ni mi 'byung ngo / /yod dang med pa'i phyogs bral zhing / /rgyu dang rkyen rnams spangs pa dang / /skye dang 'jig pa med pa dang / /rang gi phyogs te mtshan gzhi

_{iiif viewer powered by OpenSeadragon}

178b - 179b

Texts on this page