rKTs

e-texts navigator

Volume

Page

178b₁ dge slong don la spang bar bya/ /skra shad 'dzings dang sgyu 'dra dang / /rmi lam 'dra zhing dri za 'dra/ /rtog pa smig rgyu snang 'dra la/ /gang dag yod dang med lta ba/ /de dag sdud par su spyod pa/ /sangs rgyas kyi la de mi slob/ /de dag mtha' gnyis lhung ba ste/ /gzhan yang rnam
178b₂ par 'jig par byed/ /brtags pa'i dngos po rab dben zhing / /dngos dang dngos med rnam grol ba/ /rnal 'byor can ni sus mthong ba/ /de dag bsdu bar spyad par gyis/ /mu tig nor bu gser 'byung ba'i/ /'byung khungs 'jig rten na yod pa/ /sna tshogs las kyi rgyus ma byung / /
178b₃ bus pa rnams kyi 'tsho ba ltar/ /de bzhin sems can rigs rnams ni/ /rnam pa sna tshogs las kyis spangs/ /snang ba med phyir las med do/ /las las byung ba'i 'gro ba'ang med/ /ji ltar 'phags pas rnam sgom ltar/ /dngos po'i dngos nyid med mod kyi/ /ji ltar byis pas brtags
178b₄ pa ltar/ /dngos po dag ni yod pa'o/ /ji ltar byis pas brtags pa ltar/ /gal te dngos po med na ni/ /dngos po thams cad med pas na/ /su la'ang nyon mongs par 'gyur te/ /dngos po sna tshogs nyon mongs las/ /'khor ba dbang po nyer 'gro ba/ /mi shes pa dang srid 'brel
178b₅ ni/ /lus can rnams kyi 'byung bar 'gyur/ /ji ltar byis pas brtags pa ltar/ /gang gi dngos po yod min pa/ /de dag dbang po 'jug pa med/ /rnal 'byor nyid kyang 'jug pa yin/ /bcom ldan gal te 'khor ba yi/ /rgyu yi dngos po ma mchis na/ /byis pa nan tan ma bgyis
178b₆ par/ /byed pa spangs pa'i thar par 'gyur/ /khyod kyi 'phags pa byis pa'i khyad/ /dngos po med na ji ltar mchis/ /rnam par thar pa gsum spyod pa'i/ /'phags pa dag la dngos po med/ /phung po gang zag chos rnams dang / /rang dang spyi yi mtshan nyid med/ /dbang po rnams
178b₇ dang rkyen gyi rnams/ /nyan thos dag la ngas bshad do/ /rgyu med pa dang sems tsam dang / /'byor pa rnams dang sa rnams dang / /so so rang gi de bzhin nyid/ /dag pa rgyal ba'i sras la bshad/ /nga yi bstan la sun 'byin pa/ /ngur smrig gi ni gos bgos shing / /'bras bu yod dang

_{iiif viewer powered by OpenSeadragon}

178a - 179a

Texts on this page