rKTs

e-texts navigator

Volume

Page

176b₁ sems ldog ste/ /bdag med pa yang rtogs par 'gyur/ /gang phyir rkyen las byung bas na/ /dngos po thams cad ma skyes pas/ /rkyen rnams thams cad 'bras bu ste/ /'bras bu la ni sred mi 'byung / /'bras bu las ni gnyis 'gyur phyir/ /'bras bu las ni 'bras mi 'byung / /gnyis su
176b₂ 'gyur ba'i skyon gyi phyir/ /'bras bu las ni dngos mi dmigs/ /gang gi tshe na 'dus byas rnams/ /dmigs dang dmigs par bye bral zhing / /sems med sems tsam mthong ba la/ /sems tsam du ni ngas bshad do/ /sems ni ngo bo nyid kyi dbyibs/ /rkyen dang dngos po spangs pa ste/ /
176b₃ mthar phyin ngo bo tshangs pa'i mchog /de la ngas ni tsam zhes bshad/ /bdag ni brtags pa'i bden pa ste/ /rdzas su yod pa ma yin no/ /phung po phung po nyid de bzhin/ /brtags pas yin gyi rdzas su med/ /mnyam pa nyid ni rnam bzhi ste/ /mtshan nyid rgyu dang dngos las skyes/ /
176b₄ bdag med pa yi mnyam nyid de/ /rnal 'byor zhugs pa'i bzhi pa'o/ /lta ba thams cad rnam bzlog pa/ /brtag par bya dang rtog pa spangs/ /dmigs pa med cing skye med la/ /sems tsam du ni ngas bshad do/ /dngos min dngos po med pa'ang min/ /dngos dang dngos med spangs pa
176b₅ yi/ /de bzhin nyid ni sems bral ba/ /sems tsam du ni ngas bshad do/ /stong pa mtha' dang de bzhin nyid/ /mya ngan 'das dang chos kyi dbyings/ /yid kyi lus ni sna tshogs pa/ /sems tsam du ni ngas bshad do/ /rnam par rtog pa'i bag chags 'brel/ /sems las byung ba sna
176b₆ tshogs pa/ /mi la phyi rol snang ba ni/ /'jig rten pa yi sems tsam mo/ /phyi rol gyi ni snang ba med/ /lus dang longs spyod gnas lta bur/ /sems ni sna tshogs par snang ba/ /sems tsam du ni ngas bshad do/ /nyan thos zad pa'i ye shes dang / /sangs rgyas rnams kyi skye 'byung
176b₇ dang / /rang rgyal sangs rgyas rnams kyi ni/ /nyon mongs med pas shin tu 'byung / /phyi rol gyi ni gzugs med de/ /rang gi sems ni phyi rol snang / /sems ni khong du mi chud phyir/ /byis pa rnams ni 'dus byas rtog /rang sems sna tshogs snang ba yi/ /phyi rol don rnams mi

_{iiif viewer powered by OpenSeadragon}

176a - 177a

Texts on this page