rKTs

e-texts navigator

Volume

Page

175a₁ lnga dang bcas pa'i rnam par shes/ /snang ba tshon dang 'dra bar rtog /chos bstan rgyu dang 'dra ba dang / /rgyu dang 'dra bas gang sprul pa/ /de dag ngo bo'i sangs rgyas yin/ /lhag ma sprul pa'i sku yin no/ /snang ba rnam pa sna tshogs med/ /sems ni snang bas rab tu rmongs/ /
175a₂ lus dang longs spyod gnas 'dra bar/ /mi rnams la ni kun gzhi snang / /sems dang yid dang rnam shes dang / /rang bzhin dang ni chos lnga dang / /bdag med gnyis po dag pa ni/ /rnam par 'dren pa rab tu 'chad/ /rdzogs pa'i sangs rgyas gang 'chad pa/ /so so rang rig spyod yul ni/ /
175a₃ rtog ge can gyi yul ma yin/ /nyan thos rnams kyi'ang ma yin no/ /ring dang thung las sogs 'brel pa/ /gcig gis gcig ni rab tu 'jug /yod par sgrub pa med pa ste/ /med par sgrub pa yod pa yin/ /rdul phran du ni rdzas gzhigs shing / /gzugs la rnam par mi rtog go/ /sems
175a₄ tsam du ni rnam gzhag pa/ /lta ba ngan pas mi dad do/ /stong pa rnam par rtog tsam 'am/ /stong pa ma yin zhes pa ni/ /de nyid yod dang med rtog pa/ /brtag par bya ba'i don med do/ /yon tan rdul phran rdzas 'dus pas/ /byis pa rnams ni gzugs la rtog /rdul phran re re yod pa min/ /de
175a₅ yi phyir yang don med do/ /rang gi sems ni snang ba'i dbyibs/ /mi rnams la ni phyi rol snang / /phyi rol gyi ni snang ba med/ /de yi phyir yang don med do/ /sna tshogs skra shad 'dzings dang sgyu/ /rmi lam dri za'i grong khyer dang / /mgal me dang ni smig rgyu rnams/ /med kyang mig la rab tu snang / /
175a₆ rtag dang mi rtag de bzhin gcig /gnyis dang gnyis min de bzhin te/ /thog ma med kyi nyes 'brel pa/ /byis pa gti mug rtog par byed/ /theg pa rnam par gzhag med de/ /theg pa gcig tu ngas bshad do/ /byis pa rnams ni drang ba'i phyir/ /theg pa tha dad ngas bshad do/ /de
175a₇ bzhin rnam par grol gsum dang / /chos la bdag med pa nyid dang / /mnyam nyid ye shes nyon mongs min/ /de dag rnam par grol bas spangs/ /ji ltar shing ni rgya mtsho la/ /rlabs kyis rnam par g.yeng ba ltar/ /de bzhin nyan thos rmongs pa yang / /mtshan nyid kyis kyang rnam par

_{iiif viewer powered by OpenSeadragon}

174b - 175b

Texts on this page