| e-texts navigator |
| བོད་ཡིག |
172b1 mu stegs can gyi smra bar 'gyur/ /mi skye ba la skye ba mang / /shi 'phos med cing 'chi 'phor 'gyur/ /zhing rnams bye bar cig car yang / /chu yi zla ba bzhin du snang / /gcig dang mang por gyur nas ni/ /me yang 'bar zhing char yang 'bebs/ /sems la sems kyir gyur nas ni/ /de dag sems tsam du yang
172b2 smra/ /sems rnams la ni sems tsam dang / /sems med par ni sems las byung / /rnam pa sna tshogs gzugs dang dbyibs/ /sems tsam du ni rtogs par rig /thub dbang dang ni nyan thos gzugs/ /rang rgyal dang yang 'dra ba dang / /rnam pa mang po'i gzugs gzhan gyis/ /sems tsam du ni de
172b3 dag smra/ /gzugs med pas ni gzugs med gzugs/ /dmyal ba pa la dmyal ba'i gzugs/ /sems tsam gyi ni rgyu dag kyang / /sems can rnams la ston par byed/ /de dag shin tu gyur nas ni/ /sgyu ma 'dra ba'i ting 'dzin dang / /yid kyi lus kyang de bzhin te/ /dbang dang sa bcu rnams kyang 'thob/ /
172b4 rang gi rnam rtog phyin ci log /spros pa dang ni g.yo ba dang / /thos mthong shes dang rtogs pa dang / /'du shes dag gis bus pa bcings/ /gzhan gyi dbang ni mtshan ma ste/ /gang ming de ni kun brtags pas/ /kun rtog pa dang mtshan ma ni/ /gzhan gyi dbang las shin tu 'byung / /blo yis rab tu gzhig
172b5 nas ni/ /brtag pa med cing dbang yang med/ /grub pa'i dngos po yod med na/ /ji ltar blo yis rnam par brtag /yod dang med pa spangs pa yi/ /grub pa yi ni dngos po yod/ /dngos po yod med rnam grol ba'i/ /rang bzhin gnyis su ji ltar 'gyur/ /
172b6 kun tu brtags pa'i rang bzhin la/ /rang bzhin dag ni gnyis gnas te/ /brtags pa rnam pa sna tshogs snang / /rnam dag 'phags pa'i spyod yul lo/ /brtags pa sna tshogs snang ba la/ /gzhan gyi dbang zhes rtog byed de/ /rnam pa gzhan du
172b7 rtog na ni/ /mu stegs smra la gnas par 'gyur/ /rtog pas brtags shes bshad pa ste/ /mthong phyir rgyu las byung ba yin/ /rnam rtog gnyis las grol ba ni/ /rdzogs pa nyid kyang de yin no/ /
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo