rKTs

e-texts navigator

Volume

Page

171b₁ dur khrod dam/ /shing gi drung dang phug rnams dang / /bla gab med pa'am sog khrod du/ /rnal 'byor can gyis gnas bca'o/ /dur khrod du 'am gzhan gang du'ang / /rtag par gos gsum bgo bar bya/ /gang yang bde bar byin pa dag /gos kyi phyir ni sbyar bar bya/ /slongs mo'i zas la gzhol byas te/ /
171b₂ gnya' shing gang du blta bar bya/ /me tog la ni bung ba ltar/ /de ltar bsod snyoms spyad par bya/ /mang po'i tshogs dang 'dres pa dang / /dge slong ma dang gang 'dres pa/ /'dres par gyur pa'i 'tsho ba de/ /rnal 'byor can la rung ma yin/ /rnal 'byor gzhol ba'i rnal 'byor pas/ /rgyal po dang ni rgyal
171b₃ po'i bu/ /de bzhin blon po tshong dpon la/ /zas kyi phyir ni bsten mi bya/ /shing dang btsas pa'i khyim zas dang / /dga' dang mdza' dang ldan pa dang / /dge slong dge slong ma dang 'dres/ /rnal 'byor can la de mi rung / /du ba gar 'thul gtsug lag khang / /cho ga bzhin du rtag 'tshed dang / /bdag gi
171b₄ phyir ni gang byas pa/ /rnal 'byor can la de mi rung / /'jig rten mtshan gzhi mtshan ldan la/ /skye dang 'jig las grol ba dang / /yod dang med kyi phyogs spangs pa/ /rnal 'byor can gyis rnal 'byor bsgoms/ /gal te skye bar mi rtog na/ /ting nge 'dzin dang stobs rnams dang / /mngon par shes
171b₅ dang dbang ldan gyis/ /rnal 'byor par ni myur du 'gyur/ /rdul phran dus dang gtso bo dang / /byed pa las kyang mi brtag go/ /'jig rten rgyu rkyen las byung bar/ /rnal 'byor pas ni mi brtag go/ /'jig rten rang gi rtog pas brtags/ /sna tshogs bag chags dag las byung / /srid pa sgyu ma rmi 'dra bar/ /
171b₆ rnal 'byor can gyis rtag tu ltos/ /sgro 'dogs pa dang skur pa yis/ /spangs par lta ba rtag tu ste/ /zhi ba'i lam ni dger song nas/ /rnal 'byor sna tshogs rtsom par byed/ /lus dang longs spyod gnas 'dra bar/ /srid pa gsum la ma rtogs shig /zas kyi bya ba byas pa dang / /bsam pa med par
171b₇ lus bsrang nas/ /sangs rgyas dang ni byang chub la/ /yang dang yang du phyag 'tshal te/ /rnal 'byor shes pas mdo 'dul dang / /'thad pas yang dag bsdus nas ni/ /chos lnga dang ni rang sems dang / /bdag med pa la rnam par sgoms/ /so so rang rig chos nyid gtsang / /sa rnams dang ni sangs rgyas sa/ /rnal

_{iiif viewer powered by OpenSeadragon}

171a - 172a

Texts on this page