rKTs

e-texts navigator

Volume

Page

169b₁ me med sngon yang med/ /byas pa med cing 'dus byas med/ /mtha' yang med cing chags pa med/ /thar pa med cing bcings pa med/ /lung ma bstan la dngos po med/ /chos dang chos ma yin pa med/ /dus med mya ngan 'das pa med/ /chos nyid dag kyang med pa yin/ /sangs rgyas med cing bden rnams med/ /'bras
169b₂ bu med cing rgyu rnams med/ /log dang mya ngan 'das pa med/ /'byung ba dang ni 'jig pa med/ /yan lag bcu gnyis yod ma yin/ /mtha' dang mtha' med pa yang med/ /lta ba thams cad spang ba'i phyir/ /sems tsam du ni ngas bshad do/ /lus dang nyon mongs las lam dang / /
169b₃ byed pa po dang 'bras bu rnams/ /rmi lam dang ni smig rgyu 'dra/ /dri za yi ni grong khyer bzhin/ /sems tsam du ni rnam bzhag pas/ /dngos po'i mtshan las rnam par ldog /sems tsam la ni gnas pa'i phyir/ /rtag dang chad pa mthong bar 'gyur/ /mya ngan 'das la phung po med/ /
169b₄ bdag kyang med cing mtshan nyid med/ /sems tsam la ni 'jug pa yis/ /thar pa 'dzin las log par 'gyur/ /sa snang rgyus byung nges pa ni/ /mi rnams la ni phyi rol snang / /sems ni snang ba med las byung / /de yi phyir na sems mi snang / /mi rnams kyis ni bag chags rnams/ /lus
169b₅ dang longs spyod gnas ltar snang / /sems ni dngos min dngos med min/ /bag chags dag gis mi mdzes so/ /dkar po la ni dri ma snang / /dri ma la ni dkar mi snang / /nam mkha' la ni sprin bzhin du/ /de bzhin sems kyang mi snang ngo / /sems ni las kyang sogs par byed/ /ye shes kyis ni
169b₆ rnam par sel/ /shes rab kyis ni snang med dang / /mthu yang rab tu thob par byed/ /sems ni yul dang 'brel pa ste/ /shes pa rtog ge dag la 'jug /snang ba med dang khyad par la/ /shes rab dag la shin tu 'jug /sems dang yid dang rnam shes dang / /'du shes rtog pa spangs pa ste/ /
169b₇ rnam par mi rtog chos thob pas/ /nyan thos dag ni rgyal sras min/ /zhi ba bzod pa'i khyad par la/ /de bzhin gshegs kyi ye shes dge/ /kun tu spyod pa spangs pa ni/ /khyad par phyir ni skye bar 'gyur/ /kun tu brtags pa'i rang bzhin yod/ /gzhan gyi dbang ni med pa ste/ /nor pa dag

_{iiif viewer powered by OpenSeadragon}

169a - 170a

Texts on this page