rKTs

e-texts navigator

Volume

Page

167b₁ don du yi ge med/ /ris su gtogs dang mu stegs can/ /lta ba gcig la gnas pa ste/ /sems tsam la ni rmongs pas na/ /phyi rol gyi ni dngos la rtog /rmi lam na ni dbang bskur dang / /rang rgyal dang ni sangs rgyas dang / /dgra bcom sangs rgyas mthong na ni/ /byang chub
167b₂ sa bon 'phel ba yin/ /gang na de dag ji lta bur/ /gang las ci yi phyir ba dang / /sgyu ma'i sems kyi rnam pa zhi/ /yod med phyogs bshad bdag la gsungs/ /sems tsam la ni rmongs pa la/ /sgyu ma bzhin du yod med bshad/ /skye ba dang ni 'jig par ldan/ /mtshan dang
167b₃ mtshan gyi gzhir yang shes/ /yid ces bya ba rnam rtog pa/ /rnam shes lnga dang lhan cig tu/ /gzugs brnyan chu bo'i chu 'dra ba/ /sems kyi sa bon dag las 'byung / /gang gi tshe na sems dang yid/ /rnam par shes pa mi 'jug pa/ /de yi tshe na yid lus dang / /sangs rgyas sa yang
167b₄ thob par 'gyur/ /rkyen dang khams dang phung po dang / /chos rnams kyi ni rang bzhin nyid/ /btags dang sems dang gang zag rnams/ /rmi lam skra shad 'dzings pa 'dra/ /'jig rten rmi lam sgyu ma ltar/ /mthong nas yang dag gnas par gyis/ /de bzhin nyid ni mtshan
167b₅ nyid bral/ /rig pa dang ni gtan tshigs spangs/ /'phags pa'i so so rang rig pa/ /spyod pa rtag tu dran par gyis/ /rigs pa dang ni rgyu rmongs pa'i/ /'jig rten de bzhin nyid la khod/ /spros pa thams cad zhi ba'i phyir/ /shes rab nor par mi 'jug ste/ /ji srid nor
167b₆ par rnam rtog pa/ /de srid rmongs pas sems 'jug go/ /rang bzhin med dang dngos po dang / /stong pa rtag dang mi rtag rnams/ /skye bar smra ba'i lta ba ste/ /mi skye smra ba'i ma yin no/ /'gro gcig tha dad gnyis kar yang / /dbang phyug dang ni 'dod rgyal dang / /dus dang gtso dang
167b₇ rdul phran dang / /rkyen rnams kyis ni brtag pa yin/ /'khor ba'i sa bon rnam par shes/ /sa bon yod na 'byung bar 'gyur/ /rtsig pa yod na ri mo bzhin/ /yongs su shes nas 'gag par 'gyur/ /ji ltar sgyu ma'i skyes bu bzhin/ /mi dag 'chi dang skye bar 'gyur/ /de bzhin byis pa

_{iiif viewer powered by OpenSeadragon}

167a - 168a

Texts on this page