rKTs

e-texts navigator

Volume

Page

167a₁ dngos med med/ /dngos dang dngos med mnyam pas ni/ /'phags pa rnams ni 'bras bu skye/ /ji ltar dngos rnams dngos po med/ /ji ltar mnyam pa nyid du byed/ /gang gi tshe na phyi nang gi/ /g.yo ba yi ni sems mi shes/ /de tshe 'jig par byed pa ste/ /sems kyi mnyam pa
167a₂ nyid kyang mnyam/ /thog ma med ldan 'khor ba na/ /byis pa dngos 'dzin gyis g.yogs pa/ /gzer gyis gzer la ji bzhin du/ /brid nas 'dzin pa rnam par bzlog /de yi rgyu can de la dmigs/ /yid kyi 'jug pa'i gnas yin te/ /sems kyi rgyu yang 'byin par byed/ /rnam
167a₃ par shes kyang de la gnas/ /rnam par smin skyes byin rlabs dang / /ris dang 'gro ba rnams kyang 'byung / /rmi lam du ni gang rnyed dang / /mngon par shes pa rnam bzhi ste/ /gang yang rmi lam rnyed pa dang / /gang yang sangs rgyas gnang ba dang / /gang ris 'gro dang rigs kyi rnams/ /
167a₄ mngon shes rnam smin skyes de min/ /bag chags kyis ni bsgos pa'i sems/ /dngos por snang ba shin tu 'jug /byis pas gang tshe mi shes pa/ /de tshe skye bar bshad par bya/ /dngos po mtshan nyid ldan par ni/ /phyi rol ji srid rnam rtog cing / /rang gi nor pa ma mthong na/ /de srid du ni
167a₅ sems rgyas byed/ /ci yi phyir ni skye brjod la/ /de yi phyir ni snang ba brjod/ /snang ba dag ni snang ba min/ /gang gi ci la ci zhig brjod/ /sems ni rang bzhin dang ba ste/ /rnyog par byed pa yid yin no/ /rnam par shes dang bcas pa'i yid/ /rtag tu bag chags 'debs
167a₆ par byed/ /kun gzhi yis ni 'dor bar byed/ /yid ni 'gro la smon par byed/ /rnam shes yul du snang ba yi/ /nor pa mthong nas rab tu chags/ /nga yi sems ni snang ba ste/ /phyi rol gyi ni don med par/ /nor pa la ni de ltar bsgoms/ /de bzhin nyid kyang dran
167a₇ par gyis/ /bsam gtan pa yi yul dang las/ /sangs rgyas rnams kyi che ba nyid/ /de gsum bsam gyis mi khyab ste/ /rnam shes spyod yul bsam mi khyab/ /ma 'ongs pa dang 'das pa dang / /nam mkha' gang zag mya ngan 'das/ /kun rdzob tu ni de dag bshad/ /dam pa'i

_{iiif viewer powered by OpenSeadragon}

166b - 167b

Texts on this page