rKTs

e-texts navigator

Volume

Page

166b₁ lus ni sna tshogs pa/ /rnam grangs dag gis ngas bshad do/ /mdo sde 'dul ba chos mngon pas/ /don gyis ma yin tshig rnams kyis/ /rnam par dag pa gang rtog pa/ /bdag med pa la de mi gnas/ /nga dang sangs rgyas rnams dang ni/ /mu stegs can dag gang gis kyang / /rkyen gyis yod pa nam
166b₂ bsgrubs na/ /ji lta bur ni yod par 'gyur/ /rkyen rnams kyis ni yod par yang / /su yis bsgrubs na gang med bsgrubs/ /skye bar smra ba ngan lta bas/ /yod dang med par rnam par rtog /gang gi ci yang mi skye la/ /ci yang 'gag par mi 'gyur ba/ /'gro ba dben par mthong bas na/ /
166b₃ de la yod med nyer mi 'gro/ /snang ba ri bong rwa bzhin te/ /mi rnams kyi ni rnam rtog yod/ /smig rgyu la ni bzhin/ /gang rnams rtog pa de dag nor/ /rnam rtog mngon par chags pa yis/ /rnam par rtog pa shin tu 'byung / /skye ba dang ni 'jig las grol/ /snang ba med la rab tu
166b₄ spyod/ /zab yangs rgya che ye shes dang / /phun sum tshogs pa'i zhing rnams ni/ /rgyal ba'i sras po rnams la bshad/ /nyan thos rnams la mi rtog pa/ /srid gsum mi rtag stong pa ste/ /bdag dang bdag gi rnam spangs dang / /rgyu med pa yi rnam rtog ni/ /rnam par rtog ces byar mi rung / /ji lta bur
166b₅ ni smig rgyu la/ /chu med par ni chur 'dzin 'gyur/ /de bzhin snang la byis pa rnams/ /'phags pa rnams ni bye brag tu/ /'phags pa'i lta ba dag pa ste/ /rnam par thar pa gsum las byung / /rang dang spyi yi mtshan nyid rnams/ /nyan thos rnams la rab tu bshad/ /thams cad chos la
166b₆ ma chags dang / /gcig pu dben par spyod pa dang / /ma brtags pa yi 'bras bu ni/ /rang rgyal sras po dag la bshad/ /phyi rol brtags pa'i rang bzhin te/ /gzhan dbang rang gi gzhi las skyes/ /bdag las skyes pa'i 'khrul ma mthong / /de phyir sems rnams rab tu 'jug /bcu po pa ni
166b₇ dang po yin/ /dang po pa ni brgyad po yin/ /dgu po yang ni bdun pa ste/ /bdun po pa yang brgyad po yin/ /gnyis po pa ni gsum pa yin/ /bzhi po yang ni lnga po yin/ /gsum po yang ni drug yin te/ /snang med pa la rim ci yod/ /dngos po rnams ni snang med tshe/ /rnal 'byor can la

_{iiif viewer powered by OpenSeadragon}

166a - 167a

Texts on this page