| e-texts navigator |
| བོད་ཡིག |
165a1 yod dang med pa gang rtog par/ /mu stegs lta ba can dag ni/ /bstan las ring du gyur par shes/ /dngos po kun gyi smra ba la/ /rtag tu tshe rabs gzhan song tshe/ /phan tshun rnam par rtog pa yis/ /goms shing goms par byed pa'o/ /ming ni brjod par
165a2 ma byas na/ /'jig rten thams cad rmongs par 'gyur/ /de bas rmongs pa bsal ba'i phyir/ /ming du gdags par bya ba yin/ /ming dang nor ba'i rnam rtog dang / /rkyen rnams kyis ni bskyed pa yi/ /rnam par rtog pa gsum dag gis/ /byis pa rnams ni dngos por
165a3 rtog/ /'gags pa med cing ma skyes te/ /rang bzhin gyis ni nam mkha' 'dra/ /dngos po med pa'i rang bzhin gang / /de dag rnam brtags mtshan nyid do/ /mig yor 'dra zhing sgyu ma bzhin/ /smig rgyu rmi lam mgal me bskor/ /dri za'i grong khyer brag ca 'dra/ /chos de rkyen
165a4 las byung ma yin/ /de bzhin nyid dang gnyis su med/ /stong pa chos nyid yang dag mtha'/ /rnam par mi rtog bshad pa ni/ /gang de grub pa'i mtshan nyid do/ /lus dang ngag gi spyod yul / /shes rab mi rtog bden pa ste/ /sems ni gnyis kyi mthar lhung
165a5 bas/ /de phyir shes rab rnam mi rtog /ji srid sems kyi spyod yul ba/ /yod dang med pa'i mtha' gnyis yin/ /spyod yul spangs par gyur na ni/ /de tshe sems kyang yang dag 'gag /rkyen las skyes pa'i rang bzhin la/ /rtog pa gang gis rtog byed pa/ /phyi rol
165a6 don mthong log pa ste/ /don med sems ni 'ba' zhig go/ /rigs pas rnam par gzhigs na ni/ /gzung ba dang ni 'dzin pa 'gag /ji ltar byis pas brtags pa ltar/ /phyi rol gyi ni don med do/ /bag chags kyis ni dkrugs pa'i sems/ /don du snang ba shin tu
165a7 'byung / /rtog pa'i rnam pa gnyis 'gags na/ /yang dag spyod yul ye shes te/ /'phags pa'i spyod yul bsam mi khyab/ /snang ba med par 'byung bar 'gyur/ /ming dang mtshan ma kun rtog ni/ /rang bzhin gnyis kyi mtshan nyid do/ /yang dag ye shes de
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo