| e-texts navigator |
| བོད་ཡིག |
163a1 yid ni gnyi gar rgyu ba ste/ /rnam par shes pa 'byung ba yang / /de ni dge dang mi dge'o/ /lus dang gnas dang longs spyod ni/ /gzung ba'i rnam rig gsum pa'o/ /yid dang 'dzin pa'i rnam rig dang / /rnam par rtog pa 'dzin pa gsum/ /rnam rig gnyis po spangs
163a2 pa ni/ /dam pa'i don gyi sgo yin te/ /snang ba med la 'dug na ni/ /theg pa gsum gzhag ga la yod/ /sems tsam dang ni snang med dang / /sangs rgyas sa dang gnas rnams ni/ /de dag sangs rgyas rnams kyis bshad/ /'chad cing 'chang bar 'gyur ba'o/ /sa bdun dag ni
163a3 sems yin te/ /snang ba med pa brgyad pa'o/ /'dir ni sa gnyis gnas yin te/ /sa gzhan nga yi rang bzhin no/ /ngag dang so so rang rig pa/ /sa 'di nga yi rang bzhin te/ /dbang phyug chen po'i gnas kyi mchog /'og min shin tu rnam par mdzes/ /me yi ji lta de bzhin
163a4 du/ /de yi 'od zer sna tshogs pa/ /yid 'ong zhi ba rab tu 'byung / /de dag srid gsum sprul par byed/ /srid pa gsum po kha cig sprul/ /kha cig snga nas sprul pa ste/ /der ni theg pa rnams ston pa/ /de ni nga yi rang bzhin sa/ /zhing du 'pho dang rtogs pa la/ /sa rnams kyi
163a5 ni dus med de/ /sems tsam las kyang 'das nas ni/ /snang med gnas pa'i 'bras bu'o/ /rnam pa sna tshogs yod pa dang / /med pa dag kyang snang bar 'gyur/ /byis pa 'dzin pas rnam bslad de/ /sna tshogs pa ni phyin ci log /nam zhig mi rtog ye shes ni/ /dngos po yod
163a6 par mi rung ngo / /gang phyir sems ni gzugs min pas/ /de phyir de ni rnam mi rtog /dbang po rnams ni sgyu ma bzhin/ /yul rnams kyang ni rmi lam 'dra/ /byed dang las dang bya ba 'di/ /rnam pa kun tu yod pa min/ /bsam gtan rnams dang tshad med dang / /gzugs med pa dang ting
163a7 'dzin dang / /'du shes 'gog pa ma lus par/ /sems tsam la ni yod pa min/ /rgyun du zhugs pa'i 'bras bu dang / /lan cig phyir 'ong 'bras bu dang / /phyir mi 'ong ba'i 'bras bu dang / /dgra bcom nyid ni sems nor pa'o/ /byis pa rnams ni 'dus byas la/ /mi rtag skad cig
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo