rKTs

e-texts navigator

Volume

Page

162a₁ dang gang zag 'phos pa'i phyir/ /de gyur pa ni de bzhin nyid/ /nyi ma zla ba mar me'i 'od/ /de bzhin 'byung ba nor bu rnams/ /rnam par mi rtog shin tu 'byung / /de bzhin sangs rgyas sangs rgyas nyid/ /ji ltar rab rib can dag gis/ /skra shad log par 'dzings
162a₂ pa ltar/ /de bzhin dngos por rtog pa 'di/ /byis pas log pa rnam par brtags/ /nyon mongs rnam byang dngos po rnams/ /skra shad 'dzings pa lta bu ste/ /gnas dang 'jig dang skye dang bral/ /rtag dang mi rtag spangs pa'o/ /ji ltar la las d+ha tur zos/ /gser lta
162a₃ bur ni 'gro ba mthong / /de na gser yod ma yin yang / /sa dag kyang ni gser du snang / /thog ma med sems sems byung bas/ /de ltar byis pa nyams par byas/ /srid pa sgyu ma smig rgyu skyes/ /yang dag nyid du 'dzin par byed/ /sa bon gcig dang sa bon med/ /mnyam
162a₄ dang shas che sa bon can/ /sa bon kun kyang de bzhin no/ /sna tshogs gyur gyi sems la ltos/ /nam dag pa na sa bon gcig /shin tu gyur pa sa bon med/ /mi rtog pas na mnyam pa'o/ /shas che bas na tshe rabs 'dres/ /sa bon sna tshogs 'debs pas na/ /de ni
162a₅ sa bon kun ces bya/ /'di la rkyen gyis mi skye ste/ /gang yang 'gag par mi 'gyur ro/ /brtags pa yi ni rkyen rnams nyid/ /skye ba dang ni 'gag par 'gyur/ /srid pa gsum ni btags tsam ste/ /ngo bo nyid kyis dngos po med/ /btags pa dngos po'i ngo bor ni/ /rtog ge
162a₆ pa dag rtog par 'gyur/ /dngos po'i rang bzhin shes 'dod la/ /nor pa dag ni mi rtogs so/ /dngos po'i rang bzhin mi skye ba/ /de ltar mthong nas rnam par 'grol/ /sgyu ma med dang chos mtshungs pas/ /dngos po rnams ni yod brjod bzhin/ /log pa glog ltar mgyogs
162a₇ pas na/ /de phyir sgyu ma lta bur rig /bskyed pa med cing skyes pa med/ /rkyen rnams kyang ni gang na yang / /gang yang yod pa ma yin te/ /kha cig gis ni spyod par brjod/ /rkyen gyi skye 'jig 'brel ba ni/ /bzlog par bya ba ma yin te/ /rang bzhin med cing rnam rig med/ /rkyen rnams

_{iiif viewer powered by OpenSeadragon}

161b - 162b

Texts on this page