rKTs

e-texts navigator

Volume

Page

161a₁ gang phyir de las 'byung bas na/ /de ni gzhan gyi dbang du 'dod/ /de dag gang dngos rtog pa ni/ /sems kyi spyod yul nor ba ste/ /rtog pas grub pa ma yin no/ /log par nor ba rnam par brtags/ /rkyen rnams dang ni 'brel pa las/ /lus can rnams
161a₂ kyi sems 'byung ngo / /rkyen rnams las ni rnam grol zhing / /rang gi mtshan nyid rnam spangs te/ /nam zhig lus la mi gnas na/ /de phyir nga yi spyod yul min/ /ji ltar rgyal po tshong dpon dag /'dra ba sna tshogs kyis/ /bu brid khyim na rtser bcug nas/ /
161a₃ nags kyi phrad pa bstan/ /de ltar ngas ni chos rnams kyi/ /gzugs brnyan tsam nyid sna tshogs kyis/ /so so rang rig yang dag mtha'/ /bu rnams la ni nga 'chad do/ /ji ltar rgya mtsho'i rlabs rnams ni/ /rlung gi rkyen gyis byung ba dag /gar byed rab tu 'jug par
161a₄ 'gyur/ /rgyun kyang chad par mi 'gyur ro/ /de bzhin kun gzhi chu bo yang / /rtag tu yul gyi rkyen gyis byung / /rnam shes dba' rlabs sna tshogs kyis/ /gar byed rab tu 'dud par 'gyur/ /gzung dang 'dzin pa'i dngos por ni/ /lus can rnams kyi sems 'jug go/ /
161a₅ ji ltar byis pas brtags pa ltar/ /snang ba yi ni mtshan nyid med/ /kun gzhi rnam shes dam pa ni/ /rnam par rig ste kun gzhi yang / /gzung dang 'dzin pa spangs pa'i phyir/ /de bzhin nyid du ngas bshad do/ /phung po rnams la bdag med de/ /srog kyang med cing
161a₆ gang zag med/ /rnam par shes pa skye bar 'gyur/ /rnam par shes ni 'gags par 'gyur/ /ji ltar ri mo mthon dman du/ /snang yang yod pa ma yin pa/ /de bzhin dngos po rnams la yang / /dngos nyid snang yang yod pa min/ /ji ltar dri za'i grong khyer dang / /
161a₇ ji lta bur ni smig rgyu dag /de ltar snang ba rtag mthong yang / /shes rab kyis ni yod ma yin/ /tshad ma dbang po rnam par log /'bras bu med cing rgyu yang med/ /blo dang rig par bya dang bral/ /mtshan dang mtshan gyi gzhi yang spangs/ /phung por rten cing sangs rgyas pa/ /

_{iiif viewer powered by OpenSeadragon}

160b - 161b

Texts on this page