rKTs

e-texts navigator

Volume

Page

15a₁ can rnams rnam par rmongs par byed do/ /gang gi tshe tshon ser po dang phrad par gyur pa de'i tshe ni gser lta bur snang bar 'gyur zhing / gser du log par 'dzin pas kyang sems can rnams rnam par rmongs par byed do/ /yon tan 'byung gnas 'di lta ste
15a₂ dper na/ shel shin tu gsal ba tshon dang phrad pa de lta bur ni gzhan gyi dbang gi mtshan nyid la kun brtags pa'i mtshan nyid kyi tha snyad kyi bag chags su blta bar bya'o/ /'di lta ste dper na/ shel shin tu gsal ba la nor bu rin po che an da rnyil dang / mthon ka chen po dang /
15a₃ pad ma rA ga dang / margad dang / gser du log par 'dzin pa lta bur ni gzhan gyi dbang gi mtshan nyid la kun brtags pa'i mtshan nyid du 'dzin par blta bar bya'o/ /yon tan 'byung gnas 'di lta ste dper na/ shel shin tu gsal ba de nyid lta bur ni gzhan gyi dbang gi
15a₄ mtshan nyid blta bar bya'o/ /'di lta ste dper na/ shel shin tu gsal ba nyid nor bu rin po che an da rnyil dang / mthon ka chen po dang pad ma rA ga dang / margad dang / gser gyi mtshan nyid der rtag pa rtag pa'i dus dang / ther zug ther zug gi dus su yongs su
15a₅ ma grub cing ngo bo nyid med pa de lta bur ni gzhan gyi dbang gi mtshan nyid de/ kun brtags pa'i mtshan nyid der rtag pa rtag pa'i dus dang / ther zug ther zug gi dus su yongs su ma grub cing ngo bo nyid med pa nyid kyis yongs su grub pa'i mtshan nyid blta bar bya'o/ /yon tan
15a₆ 'byung gnas de la mtshan ma dang 'brel pa'i ming la brten nas ni kun brtags pa'i mtshan nyid rab tu shes so/ /gzhan gyi dbang gi mtshan nyid la kun brtags pa'i mtshan nyid du mngon par zhen pa la brten nas ni gzhan gyi dbang gi mtshan nyid rab tu shes so/ /gzhan
15a₇ gyi dbang gi mtshan nyid la kun brtags pa'i mtshan nyid du mngon par zhen pa med pa la brten nas ni yongs su grub pa'i mtshan nyid rab tu shes so/ /yon tan 'byung gnas de la byang chub sems dpa' chos rnams kyi gzhan gyi dbang gi mtshan nyid la kun brtags pa'i mtshan nyid

_{iiif viewer powered by OpenSeadragon}

14b - 15b

Texts on this page