| e-texts navigator |
| བོད་ཡིག |
159a1 'phags pa lang kar gshegs pa bam po brgyad pa/ de nas bcom ldan 'das la byang chub sems dpa' sems dpa' chen po blo gros chen pos 'di skad ces gsol to/ /'jig rten 'di ni skye 'jig bral/ /nam mkha'i me tog rab tu 'dra/ /khyod kyi
159a2 shes rab thugs rje yis/ /yod dang med par ma dmigs so/ /'jig rten rtag dang chad spangs pa/ /khor zug rmi lam 'dra ba ste/ /khyod kyi shes rab thugs rje yis/ /yod dang med par ma dmigs so/ /chos rnams thams cad sgyu ma bzhin/ /sems dang rnam par
159a3 shes pa spangs/ /khyod kyi shes rab thugs rje yis/ /khyod kyis yod dang med ma dmigs/ /chos dang gang zag bdag med dang / /khyod kyi nyon mongs shes bya'i rnams/ /khyod kyi shes rab thugs rje dang / /mtshan ma med pas rtag tu dag /mya ngan mi 'da' 'da'
159a4 la min/ /khyod la mya ngan 'da' mi gnas/ /blo dang rig par bgyi dang bral/ /yod dang med pa'i phyogs kyang spangs/ /de ltar skye 'jig spangs pa yi/ /thub pa zhi ba sus mthong ba/ /de dag 'di dang slad mar yang / /chags med nyer len med par 'gyur/ /sems
159a5 slu ba yi smig rgyu ba/ /ji ltar dpyid ka g.yo ba na/ /rnams ni chur 'dzin te/ /de la dngos po yod pa min/ /de bzhin rnam shes sa bon yang / /lta ba'i yul la rab tu g.yo/ /byis pa rnams ni skye bar 'dzin/ /rab rib can gyi rab rib bzhin/ /bsam
159a6 gtan bsam bya bsam gtan pa/ /spong dang bden pa mthong ba dang / /de dag rtog pa tsam yin par/ /gang gis rtogs pa de 'grol lo/ /chos 'di dag ni snying po med/ /rlom sems las ni byung ba yin/ /gang gis stong zhes snyems pa yi/ /snyems pa de yang stong
159a7 pa'o/ /phung po rnam par shes dang lnga/ /chu la shing gi grib ma bzhin/ /snang ba sgyu ma rmi lam 'dra/ /rnam par rig par ma rtog shig /sgyu ma ro langs 'khrul 'khor dang / /rmi lam glog dang sprin lta bur/ /nam yang rgyud gsum rnam 'chad par/ /skye bos mthong na rnam
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo