| e-texts navigator |
| བོད་ཡིག |
157a1 cad gzigs pa/ sems can thams cad la bu gcig pa dang mtshungs par gzigs shing thugs rje chen po dang ldan pa'o/ /de ltar blo gros chen po nga ni sems can thams cad la bu gcig bzhin gyi 'du shes dang ldan pa yin na/ ji ltar bdag gi
157a2 bu'i sha bza' bar nyan thos rnams la gnang bar bya/ rang gis bza' ba lta ci smos te/ ngas nyan thos rnams la gnang ba dang / bdag nyid kyis zos so zhes bya ba 'di ni blo gros chen po gnas med do/ /de la 'di skad ces bya ste/ byang chub sems dpa'
157a3 sems chen gyis/ /chang dang sha dang sgog btsong dag /bza' zhing btung bar mi bgyi ba/ /rgyal ba khyu mchog bshad du gsol/ /dri nga 'phags pa min pas bsnyen/ /mi snyan par yang byed pa ste/ /sha ni gcan gzan rnams kyi zas/ /bzar mi rung
157a4 bar thub chen gsungs/ /zos na nyes pa gang yin dang / /ma zos pa yi yon tan dag /sha za de la gang yod pa/ /blo gros chen pos shes par gyis/ /'khrul ba dang ni gnyen bshes dang / /khu chu khrag las byung ba'i phyir/ /'byung po rnams ni
157a5 dngang 'gyur bas/ /rnal 'byor can gyis sha mi bza'/ /sha rnams dang ni sgog btsong dag /chang dag rnam pa sna tshogs dang / /ke'u dang sgog skya de bzhin te/ /rnal 'byor can gyis rtag tu spang / /'bru mar gyis kyang byug pa spang / /khri la rten
157a6 'cha'i sems can rnams/ /bu ga bu gar 'jig 'gyur phyir/ /khri la nyal bar mi bya'o/ /zas las dregs pa skye bar 'gyur/ /rtog pa dregs las byung ba ste/ /rtog pas 'dod chags rab tu bskyed/ /de yi phyir na bzar mi bya/ /rtog pa las ni 'dod
157a7 chags bskyed/ /'dod chags kyis ni sems rmongs byed/ /rmongs pas 'du bar rab tu 'gyur/ /skye ste 'grol bar mi 'gyur ro/ /khe yi phyir ni sems can gsod/ /sha yi phyir ni nor sbyin byed/ /de dag gnyis ka sdig las can/ /'o dod 'bod la sogs
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo