| e-texts navigator |
| བོད་ཡིག |
156b1 cad za ba gcod par yang byas so/ /blo gros chen po ngas ni rigs kyi bu dang rigs kyi bu mo chos 'dod pa theg pa thams cad la rab tu zhugs pa rnams dang / dur khrod pa byams pa la gnas pa dgon pa pa rnal 'byor la spyod pa rnams kyi rnal 'byor thams cad sgrub pa dang /
156b2 sems can thams cad bu bzhin du 'du shes bsgom pa'i phyir/ sha thams cad gcod par yang byas so/ /bstan pa brjod pa de dang de la bslab pa'i gzhi rim pas bca' ba skas kyi gdang bu bre ba'i tshul du rnam gsum bcas nas de'i ched du byas pa rnams kyang bkag
156b3 ste de'i phyir rang bzhin gyis shi ba bcu'i sha ni ma bkag mod kyi/ 'dir ni thams cad kyi thams cad du kun thabs med par ril gyis bkag ste/ de ltar blo gros chen po/ ngas sha'i zas ni su la'ang ma gnang / mi gnang / gnang bar mi 'gyur te/ blo
156b4 gros chen po rab tu byung ba rnams la sha'i zas ni mi rung bar bshad do/ /blo gros chen po gang yang nga la de bzhin gshegs pas kyang gsol to zhes skur pa 'debs par sems pa de yang blo gros chen po skyes bu blun po rang gi las kyi nyes pa'i sgrib pa la gnas pa de dag la yun
156b5 ring por don med pa dang / gnod pa dang / mi bde ba sgrub par 'gyur ro/ /blo gros chen po nga'i 'phags pa nyan thos rnams ni kha zas tha mal pa'ang mi za na sha dang khrag gi zas mi rung ba lta ci smos/ blo gros chen po nga'i nyan thos dang / rang sangs rgyas dang / byang chub
156b6 sems dpa' rnams ni chos kyi zas za ste/ zang zing gi zas ni ma yin na/ de bzhin gshegs pa rnams lta ci smos/ blo gros chen po de bzhin gshegs pa rnams ni chos kyi sku/ chos kyi zas kyis gnas pa yin te/ zang zing gi sku ma yin/ zang zing gi zas thams
156b7 cad kyis gnas pa ma yin te/ srid pa dang srid pa'i yo byad la sred pas tshol ba'i bag chags thams cad spangs shing nyon mongs pa'i nyes pa'i bag chags thams cad med pa/ sems dang shes rab shin tu rnam par grol ba/ thams cad mkhyen pa/ thams
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo