rKTs

e-texts navigator

Volume

Page

152b₁ dang / /de bzhin len med rtogs pa dag /zhum pa rnams kyang spro bya'i phyir/ /de dag dgongs te bshad pa'o/ /sangs rgyas dag gis ye shes bskyed/ /de dag nyid kyis lam yang bshad/ /gzhan nas ma yin de nas 'gro/ /de phyir mya ngan de mi 'da'/ /srid pa'i
152b₂ 'dod gzugs lta rnams kyis/ /bag chags rnam pa bzhir 'gyur te/ /yid kyi rnam par shes las byung / /kun gzhi dang ni yid la gnas/ /yid kyi rnam shes mig la sogs/ /mi rtag phyir ni chad par ston/ /thog ma med pas rtag pa dang / /mya ngan 'da'
152b₃ mos lta bar 'gyur/ /de nas byang chub sems dpa' sems dpa' chen po blo gros chen pos bcom ldan 'das la tshigs su bcad pa rnams kyis zhus nas/ yang bcom ldan 'das la gsol ba btab pa/ gang gis ma 'ongs pa dang da ltar byung ba'i dus na/ bdag dang
152b₄ byang chub sems dpa' sems dpa' chen po gzhan rnams kyis sems can sha za ba la sogs pa'i bag chags kyis bsgos pa/ sha'i zas la chags pa'i sems can rnams kyi ro la sred pa spang ba'i slad du ci nas kyang sems can de dag ro'i sred pa bsal te/ chos kyi ro'i
152b₅ zas la mos pas sems can thams cad la bu gcig lta bur sdug pa dang ldan zhing phan tshun du byams pa thob pa dang / thob nas kyang byang chub sems dpa'i sa rnams su byang bar byas te/ myur du bla na med pa yang dag par rdzogs pa'i byang chub tu mngon par 'tshang rgya ba dang / nyan thos
152b₆ dang rang sangs rgyas kyi sar ngal bso ste/ de bzhin gshegs pa'i sa bla na med pa 'thob par 'gyur ba'i chos bshad par sha za ba nyes par lta ba bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis bdag la bshad du gsol/
152b₇ bcom ldan 'das mu stegs can gzhan ngan par bshad pa'i chos can 'jig rten rgyang pan gyi lta ba la mngon par zhen pa dang / yod pa dang med pa'i phyogs dang / rtag pa dang chad par smra ba rnams kyis kyang sha 'tshal ba bkag ste/ bdag kyang mi 'tshal na 'jig rten gyi mgon po

_{iiif viewer powered by OpenSeadragon}

152a - 153a

Texts on this page