| e-texts navigator |
| བོད་ཡིག |
152a1 las 'byung ba'i phyir skad cig ma'o/ /blo gros chen po de bzhin gshegs pa'i snying po ni 'khor zhing mya ngan las 'das pa dang / bde ba dang sdug bsngal ba'i rgyu yin te/ byis pa so so'i skye bo stong pa nyid kyis g.yengs pa'i blo can dag ni rnam par dag pa nyid mi shes
152a2 so/ /yang blo gros chen po lag na rdo rje ni 'phrul pas sprul pa'i de bzhin gshegs pa rnams kyi drung na 'dug gi /de bzhin gshegs pa dgra bcom pa yang dag par rdzogs pa'i sangs rgyas ngo bo rnams kyi drung na ni ma yin no/ /blo gros chen po de bzhin gshegs pa ngo bo ni byis pa so
152a3 so'i skye bo dang / nyan thos dang / rang sangs rgyas dang / mu stegs can thams cad kyi tshad ma dang / dbang po las rnam par log pa yin te/ tshe 'di la bde bar gnas pa dag mthong bar rtogs pa'i chos shes pa'i bzod pas de rtogs par byed de/ de bas na lag
152a4 na rdo rje de'i zhabs 'bring na mi 'brang ngo / /sprul pa'i sangs rgyas thams cad ni las las byung ba ma yin te/ de dag la yang de bzhin gshegs pa med/ de las gzhan na yang de bzhin gshegs pa med de/ rdza mkhan gyi dmigs pa la sogs pa'i sbyor ba lta bus bya ba
152a5 thams cad byed cing mtshan dang ldan pa yang ston mod kyi rang gi tshul so sor gzhag pa'i gtam bdag gi 'phags pa so so rang gis rig pa'i spyod yul ni mi ston to/ /blo gros chen po gzhan yang byis pa so so'i skye bo rnams ni rnam par shes pa 'dus pa drug 'gags pas chad par
152a6 lta ba la brten to/ /kun gzhi ma rtogs pa'i phyir rtag par lta bar 'gyur ro/ /blo gros chen po rang gi blo'i rnam par rtog pa'i thog ma'i mtha' shes par mi rung ste/ rang gi blo'i rnam par rtog pa nyid bzlog pas thar par yang shes so/ /bag chags bzhi spangs pa'i phyir
152a7 nyes pa thams cad spangs par 'gyur ro/ /de la 'di skad ces bya ste/ theg pa gsum dang theg med dang / /sangs rgyas mya ngan 'das med dang / /thams cad sangs rgyas lung bstan cing / /nyes pa dang yang bral bshad dang / /mngon par rtogs mtha'i ye shes
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo