rKTs

e-texts navigator

Volume

Page

151a₁ ji ltar mthong / /sgyu ma dri za'i grong la sogs/ /gzugs rnams ji ltar skad cig pa/ /'byung ba ma yin gzugs rnams dang / /'byung po de dag gang du song / /skad cig ma'i le'u ste drug pa'o// //de nas yang bcom ldan 'das la byang
151a₂ chub sems dpa' sems dpa' chen po blo gros chen pos 'di skad ces gsol to/ /ci'i slad du bcom ldan 'das kyis dgra bcom pa rnams bla na med pa yang dag par rdzogs pa'i byang chub tu 'gyur ba dang / sems can yongs su mya ngan las mi 'da' ba'i chos can rnams de bzhin
151a₃ gshegs par 'gyur bar yang lung bstan/ de bzhin gshegs pa gang gi nub mo bla na med pa yang dag par rdzogs pa'i byang chub tu mngon par rdzogs par sangs rgyas pa nas/ gang gi nub mo yongs su mya ngan las 'das pa de'i bar du bcom ldan 'das kyis yi ge gcig kyang ma
151a₄ gsungs ma bshad/ de bzhin gshegs pa rnams ni rtag tu mnyam par bzhag pa lags te/ mi rtog mi dpyod par 'phrul pa dag kyang sprul nas/ de dag gis de bzhin gshegs pa'i bya ba mdzad pa/ rnam par shes pa rnams kyang skad cig ma gcig nas gcig tu tha dad
151a₅ pa'i mtshan nyid du bshad/ lag na rdo rje yang khor mor rtag tu zhabs 'bring du 'brang / thog ma'i mthar mi 'dogs la/ mya ngan las 'das par 'dogs/ bdud dang bdud kyi las rnams dang / las kyi rgyu rnams dang / bram ze'i bu mo tsan tsa dang / mdzes ma kun tu
151a₆ rgyu dang / lhung bzed bkrus bzhin pa la sogs pa las kyi sgrib pa dag gda' na/ bcom ldan 'das de ji ltar bcom ldan 'das kyis nongs pa dag ma spangs par/ rnam pa thams cad mkhyen pa nyid thob/ bcom ldan 'das kyis bka' stsal pa/ blo gros chen po de'i phyir shin
151a₇ tu legs par nyon la yid la zung shig dang ngas khyod la bshad do/ /legs so bcom ldan 'das zhes gsol nas/ byang chub sems dpa' sems dpa' chen po blo gros chen po bcom ldan 'das la slar nyan pa dang / bcom ldan 'das kyis de la 'di skad ces bka' stsal to/ /

_{iiif viewer powered by OpenSeadragon}

150b - 151b

Texts on this page