| e-texts navigator |
| བོད་ཡིག |
150b1 mi 'jug par bzod pa de ni bzod pa'i pha rol tu phyin pa'o/ /brtson 'grus gang gis nam gyi cha stod dang / nam gyi cha smad la brtson par byed cing rnal 'byor dang 'thun par mthong bas rnam par rtog pa ldog pa'i phyir de ni brtson 'grus kyi pha rol tu phyin pa'o/ /gang rnam par rtog pa bzlog pa'i
150b2 phyir mu stegs can gyi mya ngan las 'das pa 'dzin par mi ltung ba de ni bsam gtan gyi pha rol tu phyin pa'o/ /de la shes rab kyi pha rol tu phyin pa ni nam rang gi sems kyi rnam par rtog pa med pa dang / blo rab tu 'byed pa'i bar du rab tu phye na mtha' gnyis su mi ltung zhing gnas gyur pa sngon du 'gro
150b3 ba mi 'jig pas bdag gi 'phags pa'i so so rang gis rig pa thob par bya ba'i phyir/ rab tu sbyor ba de ni shes rab kyi pha rol tu phyin pa'o/ /blo gros chen po de dag ni pha rol tu phyin pa rnams yin te/ 'di ni pha rol tu phyin pa'i don to/ /de la 'di skad ces bya ste/ stong pa mi rtag skad
150b4 cig par/ /'dus byas la ni byas pa rtog /'bab chu mar me sa bon dpes/ /skad cig pa yi don du rtog /byed pa med cing skad cig pa/ /dben pa byed pa spangs pa dang / /chos rnams skye ba med pa ni/ /skad cig don du ngas bshad do/ /skyes ma thag tu 'jig par ni/ /
150b5 byis pa rnams la'ang nga mi 'chad/ /dngos po rnams kyi rnam rtog pa/ /bar chad med par 'gro bar g.yo/ /sems de 'byung bar byed pa yi/ /rgyu ni ma rig de yin te/ /ji srid gzugs dag mi shes pa/ /de srid bar du de gnas ci/ /zhig par gyur ma thag tu ni/ /
150b6 sems ni gzhan rnams rab 'byung ste/ /gzugs ni dus su mi gnas na/ /ci la dmigs te 'byung bar 'gyur/ /gang las gang du 'jug pa yi/ /sems ni log pa'i rgyu las byung / /de ni rab tu ma grub na/ /ji ltar skad cig 'jig par rig /rnal 'byor can gyi
150b7 snyoms 'jug dang / /gser dang rgyal ba'i ring bsrel dang / /'od snang gnas kyi gzhal med khang / /'jig rten rgyu yis 'jig pa med/ /gnas pa rnams dang thos pa'i chos/ /sangs rgyas ye shes phun sum tshogs/ /dge slong nyid dang shes thob rnams/ /skad cig mar ni
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo