| e-texts navigator |
| བོད་ཡིག |
14a1 ste lnga pa'o/ / //de nas bcom ldan 'das la byang chub sems dpa' yon tan 'byung gnas kyis zhu ba zhus pa/ bcom ldan 'das byang chub sems dpa' chos rnams kyi mtshan nyid la mkhas pa/ byang chub sems dpa' chos rnams
14a2 kyi mtshan nyid la mkhas pa zhes bgyi na/ bcom ldan 'das ji tsam gyis na byang chub sems dpa' chos rnams kyi mtshan nyid la mkhas pa lags/ de bzhin gshegs pa byang chub sems dpa' chos rnams kyi mtshan nyid la mkhas par 'dogs na yang ji tsam gyis
14a3 'dogs lags/ de skad ces gsol pa dang / bcom ldan 'das kyis byang chub sems dpa' yon tan 'byung gnas la 'di skad ces bka' stsal to/ /yon tan 'byung gnas khyod de ltar skye bo mang po la phan pa dang / skye bo mang po la bde ba dang / 'jig rten la snying
14a4 brtse ba dang / lha dang mir bcas pa'i skye dgu'i don dang / phan pa dang bde ba'i phyir zhugs te/ de bzhin gshegs pa la khyod don 'di nyid 'dri bar sems pa ni legs so legs so/ /yon tan 'byung gnas de'i phyir nyon cig dang / chos rnams kyi mtshan nyid la mkhas
14a5 pa khyod la bshad par bya'o/ /yon tan 'byung gnas chos rnams kyi mtshan nyid ni gsum po 'di dag yin te/ gsum gang zhe na/ kun brtags pa'i mtshan nyid dang / gzhan gyi dbang gi mtshan nyid dang / yongs su grub pa'i mtshan nyid do/ /yon tan 'byung gnas de
14a6 la chos rnams kyi kun brtags pa'i mtshan nyid gang zhe na/ ji tsam du rjes su tha snyad gdags pa'i phyir chos rnams kyi ngo bo nyid dam bye brag tu ming dang brdar rnam par gzhag pa gang yin pa'o/ /yon tan 'byung gnas chos rnams kyi gzhan gyi dbang gi mtshan nyid gang zhe na/
14a7 chos rnams kyi rten cing 'brel par 'byung ba nyid de/ 'di lta ste 'di yod pas 'di 'byung la/ 'di skyes pa'i phyir 'di skye ba 'di lta ste/ ma rig pa'i rkyen gyis 'du byed rnams zhes bya ba nas/ de ltar na sdug bsngal gyi phung po chen po 'di 'ba' zhig po 'di 'byung bar 'gyur ro zhes bya
iiif viewer powered by OpenSeadragon
Texts on this page
D106 - 'phags pa dgongs pa nges par 'grel pa zhes bya ba theg pa chen po'i mdo