| e-texts navigator |
| བོད་ཡིག |
149a1 bde bar gshegs pas chos thams cad skad cig tu 'gyur bas 'jig pa bdag la bshad du gsol/ de bzhin gshegs pa dgra bcom pa yang dag par rdzogs pa'i sangs rgyas kyis bdag la bshad du gsol/ bcom ldan 'das ji ltar na chos thams cad
149a2 skad cig pa lags/ bcom ldan 'das kyis bka' stsal pa/ blo gros chen po de'i phyir shin tu legs par nyon la yid la zung shig dang ngas khyod la bshad do/ /legs so bcom ldan 'das zhes gsol nas/ byang chub sems dpa' sems dpa' chen po blo gros chen po
149a3 bcom ldan 'das la slar nyan pa dang / bcom ldan 'das kyis de la 'di skad ces bka' stsal to/ /blo gros chen po chos thams cad chos thams cad ces bya ba ni 'di lta ste/ dge ba dang / mi dge ba dang / 'dus byas dang / 'dus ma byas dang / 'jig rten pa dang /
149a4 'jig rten las 'das pa dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / zin pa dang / ma zin pa rnams yin te blo gros chen po mdor na nye bar len pa'i phung po lnga sems dang / yid dang / yid kyi rnam par
149a5 shes pa'i bag chags kyi rgyu las byung ba rnams ni sems dang / yid dang / yid kyi rnam par shes pa'i bag chags rgyas pa'i byis pa so so'i skye bo rnams kyis dge ba dang / mi dge bar yongs su brtags so/ /blo gros chen po ting nge 'dzin gyi bde ba dang / snyoms par 'jug
149a6 pa rnams ni tshe 'di la bde bar gnas pa'i dngos pos 'phags pa rnams kyi dge ba zag pa med pa zhes bya'o/ /blo gros chen po yang dge ba dang mi dge ba ni 'di lta ste/ rnam par shes pa brgyad rnams so/ /brgyad gang zhe na 'di lta ste/ de bzhin gshegs pa'i snying po kun gzhi rnam par
149a7 shes pa zhes bsgrags pa dang / yid dang / yid kyi rnam par shes pa dang / mu stegs byed kyis brjod pa'i rnam par shes pa 'dus pa lnga rnams so/ /blo gros chen po de la rnam par shes pa 'dus pa lnga rnams yid kyi rnam par shes pa dang bcas pa dge ba dang / mi dge ba'i skad cig ma
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo