| e-texts navigator |
| བོད་ཡིག |
147b1 gtam bshad na 'jig rten gyi phul las 'das pa'i dpe rigs pa rnams mi bya ste/ yid ches par mi rung bas na byis pa so so'i skye bo rnams dad par mi 'gyur ro/ /de kho na nyid ni sems dang / yid dang / yid kyi rnam par shes pa las 'das pa'i phyir bdag gi 'phags pa so so rang
147b2 gi ye shes kyi spyod yul la ni dpe rnams mi 'jug go/ /de kho na nyid ni de bzhin gshegs pa rnams yin te/ de'i phyir na de dag la dpe rnams gzhag par mi bya mod kyi/ blo gros chen po 'on kyang 'di ni dpe tsam du byas pa 'di lta ste/ de bzhin gshegs pa rnams ni gang gA'i klung
147b3 gi bye ma snyed dang mnyam ste/ mi rtog rnam par mi rtog pas na mnyam zhing mi mnyam pa med do/ /blo gros chen po 'di lta ste/ gang gA'i klung gi bye ma rnams ni nya dang / ru sbal dang / chu srin byis pa gsod dang / mi dang / ma he dang / seng ge dang / glang po dang / rta la
147b4 sogs pas dkrugs kyang dkrugs so zhe'am/ ma dkrugs so zhes mi rtog rnam par mi rtog cing dang sa la dri ma dang bral te rnam par rtog pa med do/ /de bzhin du blo gros chen po de bzhin gshegs pa dgra bcom pa yang dag par rdzogs pa'i sangs rgyas rnams kyi bdag gi 'phags
147b5 pa so so rang gi ye shes ni gang gA'i klung gi stobs dang / dbang dang / mngon par shes pa'i bye ma rnams byis pa mu stegs byed pha rol rgol ba'i nya thams cad kyis dkrugs kyang de bzhin gshegs pa rnams kyis sngon gyi smon lam btab pa'i phyir mi rtog rnam par mi rtog ste/ bde
147b6 ba'i snyoms par 'jug pa thams cad yongs su rdzogs pas sems can rnams la mi rtog rnam par mi rtog go/ /de bas na de bzhin gshegs pa de dag ni mdza' ba dang / khong khro ba med pa'i phyir gang gA'i klung gi bye ma dang mnyam ste/ bye brag med do/ /'di lta ste/ blo gros chen po
147b7 gang gA'i klung gi bye ma rnams ni sa'i mtshan nyid kyi rang bzhin yin pas bskal pa 'tshig pa nas ni bsregs kyang sa'i rang bzhin mi 'dor ro/ /blo gros chen po me'i khams dang 'brel pa'i phyir sa ni mi 'tshig ste/ gzhan du na byis pa so so'i skye bo rnams log par ltung ba'i blos
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo