rKTs

e-texts navigator

Volume

Page

146a₁ la zhugs pa'i phyir yid dang / rnam par rig pa dang bral ba'i lus de yang thob par 'gyur ro/ /yang blo gros chen pos gsol pa/ bcom ldan 'das rang bzhin gsum po rnams chos lnga'i nang du 'dus sam/ 'on te rang gi mtshan nyid du grub pa'am ci lags/ bcom ldan 'das
146a₂ kyis bka' stsal pa/ blo gros chen po 'di nyid kyi nang du rang bzhin gsum dang / rnam par shes pa brgyad dang bdag med pa gnyis kyang 'dus so/ /de la ming dang mtshan ma ni yongs su kun brtags pa'i rang bzhin du shes par bya'o/ /gang yang blo gros chen po de la gnas shing zhugs pa'i rnam par rtog
146a₃ pa sems dang sems las byung ba zhes bsgrags pa nyi ma dang 'od zer lhan cig pa bzhin dus gcig tu byung ba sna tshogs kyi mtshan nyid rang gi rnam par rtog pa khong du chud par byed pa'i rang bzhin ni blo gros chen po gzhan gyi dbang zhes bya'o/ /blo gros chen po yang dag pa'i ye shes dang de bzhin nyid ni mi 'jig
146a₄ pa'i phyir rang bzhin yongs su grub pa shes par bya'o/ /gzhan yang blo gros chen po rang gi sems snang ba la mngon par chags pas ni rnam par rtog pa brgyad du phye ste/ mtshan ma yang dag pa ma yin pa'i mtshan nyid la kun brtags pa'i phyir/ bdag dang bdag gir 'dzin pa gnyis rnam par zhi bas bdag
146a₅ med pa gnyis skye'o/ /blo gros chen po chos lnga po 'di rnams kyi nang du sangs rgyas kyi chos thams cad dang sa rnam par dbye ba'i mtshams sbyar ba dang / nyan thos dang / rang sangs rgyas dang / byang chub sems dpa' dang de bzhin gshegs pa rnams kyi bdag gi 'phags pa so so rang gis rig pa'i ye shes rtogs
146a₆ pa la 'jug pa rnams kyang 'dus so/ /gzhan yang blo gros chen po chos lnga rnams ni mtshan ma dang / ming dang / rnam par rtog pa dang / de bzhin nyid dang yang dag pa'i ye shes te/ blo gros chen po de la mtshan ma ni gang / dbyibs dang / rnam pa dang / khyad par dang / byad dang gzugs la
146a₇ sogs pa'i mtshan nyid du snang ba de ni mtshan ma'o/ /gang mtshan ma de nyid la rdza ma la sogs par ming btags te/ 'di ni de bzhin gyi gzhan du ma yin no zhes bya ba de ni ming ngo / /blo gros chen po gang gis bde ba zhe'am/ go cha zhes ming de brjod cing mtshan ma gsal bar byed pa

_{iiif viewer powered by OpenSeadragon}

145b - 146b

Texts on this page