| e-texts navigator |
| བོད་ཡིག |
145b1 yang dag pa'i ye shes ni gang gis ming dang / mtshan ma mi dmigs shing / phan tshun blo bur du 'byung ba'i phyir rnam par shes pa mi 'jug pa/ rtag pa med pa/ chad pa med pa'i phyir/ mu stegs byed dang / nyan thos dang / rang sangs rgyas thams cad kyi sar lhung bar mi byed
145b2 pas yang dag pa'i ye shes zhes bya'o/ /gzhan yang blo gros chen po yang dag pa'i ye shes des/ byang chub sems dpa' sems dpa' chen po ming dang dngos por mi byed/ mtshan ma dngos po med par yang mi byed do/ /sgro 'dogs pa dang / skur pa'i mtha' gnyis
145b3 su ngan par lta ba rnam par spangs pa/ ming dang mtshan ma'i don mi 'jug par shes pa de lta bu ni de bzhin nyid 'di yin par bshad do/ /blo gros chen po de bzhin nyid la gnas pa'i byang chub sems dpa' sems dpa' chen po ni snang ba med pa'i rtogs pa'i spyod yul thob
145b4 pa'i phyir/ byang chub sems dpa'i sa rab tu dga' ba 'thob ste/ des byang chub sems dpa'i sa rab tu dga' ba thob nas/ mu stegs can dang / ngan song gi 'gro ba thams cad las rnam par ldog pa yin te/ 'jig rten las 'das pa'i chos rtogs pa la yang
145b5 dag par zhugs pa/ rtog ge'i lta ba la ltad mo dang rnam par bral bas mtshan nyid la 'dris pa'i phyir sgyu ma la sogs pa sngon du 'gro ba'i chos kyi tshul rnam par sgom zhing / mthar gyis bdag gi 'phags pa so so rang gis rig pa'i chos kyi mtshan nyid chos kyi sprin gyi sa'i
145b6 bar du 'thob par 'gyur ro/ /chos kyi sprin gyi sa'i 'og tu ting nge 'dzin dang / stobs dang / dbang dang / mngon par shes pa'i me tog shin tu rgyas pa/ de bzhin gshegs pa'i sa'i bar du rab tu thob par 'gyur ro/ /des thob nas sems can yongs su smin par bya
145b7 ba'i phyir sprul pa'i 'od zer sna tshogs kyis rnam par mdzes te/ chu'i zla ba bzhin du thug pa med pa'i gnas la shin tu 'brel ba'i chos can mos pa tha dad pa'i sems can rnams la chos ston te/ blo gros chen po byang chub sems dpa' sems dpa' chen po rnams de bzhin nyid
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo