rKTs

e-texts navigator

Volume

Page

145a₁ pas byis pa rnams sems kyi rjes su 'brang ste/ rjes su 'brang bas mtshan nyid sna tshogs su 'dod pas/ bdag dang bdag gir lta bar lhung ba'i bsam pa can rnams kha dog rgyas pa la mngon par chags par byed de/ mngon par chags nas mi shes pas
145a₂ bsgribs pa rnams shin tu 'dod chags so/ /shin tu 'dod chags pa'i rnams 'dod chags dang / zhe sdang dang / gti mug las byung ba'i las mngon par 'du byed do/ /mngon par 'dus byas nas phyir phyir zhing dar gyi srin bu bzhin du rang gi rnam par rtog pas yongs su
145a₃ dkris pa'i blo can rnams 'gro ba'i rgya mtsho dang / dgon par lhung zhing zo ba'i 'khrul 'khor bzhin du mi 'da' yang gti mug pa'i phyir/ sgyu ma dang / smig rgyu dang / chu'i zla ba'i rang bzhin dang 'dra bar/ bdag dang bdag gi dang bral ba'i chos thams cad yang dag pa ma yin par
145a₄ rnam par rtog pa las byung ba/ mtshan gyi gzhi dang / mtshan ma dang bral ba/ skye ba dang / gnas pa dang / 'jig pa 'jug pa rnam par log pa/ rang gi sems kyi rnam par rtog pa las byung ba/ dbang phyug dang / dus dang / rdul phra mo dang / gtso bo las
145a₅ byung ba ma yin par ni mi shes te/ blo gros chen po ming dang mtshan mas g.yengs pa'i phyir/ byis pa rnams mtshan ma'i rjes su 'jug pas mtshan ma'i rjes su 'brang ngo / /de la blo gros chen po mtshan ma ni mig gi rnam par shes pa'i snang bar 'gyur ba yin te/
145a₆ gzugs zhes bya ba'o/ /de bzhin du rna ba dang / sna dang / lce dang / lus dang / yid kyi rnam par shes pa rnams la sgra dang / dri dang / ro dang / reg bya dang / chos zhes bya ba ste/ 'di ni mtshan ma zhes bshad do/ /de la blo gros chen po rnam par rtog pa ni
145a₇ gang gis ming du brjod cing / 'di ni glang po dang / rta dang shing rta dang / rkang thang dang / skyes pa dang / bud med la sogs pa zhes bya ba yin te/ de bzhin gyi 'di ni gzhan du ma yin no/ /zhes mtshan ma gsal bar byed pa de ni rnam par rtog pa'o/ /blo gros chen po

_{iiif viewer powered by OpenSeadragon}

144b - 145b

Texts on this page