| e-texts navigator |
| བོད་ཡིག |
143a1 kun nas ldang ba'i 'dod chags kyis bskyod cing skyed par byed pa de'i rgyu la dmigs pa'o/ /zin pa'i dbang po zhes bya ba de dag yongs su zad cing 'gags nas de ma thag tu mi skye zhing gzhan dag kyang mi 'jug pa'i phyir/ rang gi blo'i rnam par rtog pa'i
143a2 bde ba dang / sdug bsngal mi myong ba 'du shes dang / tshor ba 'gog pa'i snyoms par 'jug pa la snyoms par zhugs pa/ bsam gtan bzhi dang / bden pa dang / rnam par thar pa la mkhas pa'i rnal 'byor can rnams ni rnam par thar pa'i blor 'gyur ro/ /de bzhin
143a3 gshegs pa'i snying po zhes bsgrags pa kun gzhi rnam par shes pa rab tu ma gyur na/ 'jug pa'i rnam par shes pa bdun rnams 'gag pa med do/ /de ci'i phyir zhe na/ rnam par shes pa rnams de'i rgyu dang de la dmigs par zhugs pa dang / nyan thos dang /
143a4 rang sangs rgyas dang / mu stegs can gyi rnal 'byor la rnal 'byor pa thams cad kyi yul ma yin pa'i phyir te/ gang gis gang zag la bdag med par rtogs pa dang / phung po dang / khams dang / skye mched rnams kyi rang dang spyi'i mtshan nyid yongs su bzung bas
143a5 de bzhin gshegs pa'i snying po 'jug ste/ chos lnga dang / rang bzhin dang / chos la bdag med par mthong bas sa'i rim pa mtshams sbyar ba gzhan du 'phos na ldog par 'gyur te/ gzhan mu stegs can gyi lam la lta ba rnams kyis bskyod mi nus so/ /de'i
143a6 phyir byang chub sems dpa'i sa mi g.yo ba la rab tu gnas pa ni ting nge 'dzin bden pa'i sgo'i lam bcu rab tu thob par 'gyur te/ ting nge 'dzin gyi sangs rgyas rnams kyis yang dag par bzung ba de'i phyir sangs rgyas kyi chos bsam gyis mi khyab pa dang / rang gi smon lam
143a7 la rnam par lta bas ting nge 'dzin gyi sgo yang dag pa'i mtha' las bzlog nas bdag gi 'phags pa so so rang gis rig pas shes par bya ba nyan thos dang / rang sangs rgyas dang / mu stegs byed thams cad dang thun mong ma yin pa'i rnal 'byor gyi lam gyis 'phags pa'i rigs kyi
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo