rKTs

e-texts navigator

Volume

Page

141a₁ chos bstan pa'i phyir don dam pa 'di la dang / mtshams sbyar ba med do/ /de la 'di skad ces bya ste/ sems tsam dang ni snang med dang / /sangs rgyas sa dang gnas rnams ni/ /de dag sangs rgyas rnams kyis bshad/ /'chad
141a₂ cing 'chad par 'gyur ba'o/ /sa bdun dag ni sems yin te/ /'di la snang med brgyad pa'o/ /'dir ni sa gnyis gnas yin te/ /sa gzhan nga yi rang bzhin no/ /bdag dang so so rang rig pa/ /sa 'di nga yi rang bzhin te/ /dbang phyug chen po'i gnas kyi mchog /
141a₃ 'og min shin tu rnam par mdzes/ /me yi ji lta de bzhin du/ /de yi 'od zer sna tshogs pa/ /yid 'ong zhi ba rab tu 'byung / /de dag srid gsum sprul par byed/ /srid pa gsum po kha cig sprul/ /kha cig snga nas sprul pa ste/ /der ni theg pa rnams ston pa/ /
141a₄ de ni nga yi rang bzhin sa/ /bcu po pa ni dang po yin/ /dang po pa ni brgyad pa yin/ /dgu po yang ni bdun pa ste/ /bdun po pa yang brgyad po yin/ /gnyis po pa ni gsum po yin/ /bzhi po yang ni lnga po yin/ /gsum po yang ni drug yin te/ /snang med pa la rim ci
141a₅ yod/ /mngon par rtogs pa'i le'u ste bzhi pa'o// //de nas yang byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs
141a₆ rgyas rtag gam/ de ste mi rtag gam ci lags/ bcom ldan 'das kyis bka' stsal pa/ blo gros chen po de bzhin gshegs pa ni rtag pa'ang ma yin/ mi rtag pa'ang ma yin no/ /de ci'i phyir zhe na/ 'di lta ste/ gnyi gar yang nyes par 'gyur ba'i phyir ro/ /blo gros
141a₇ chen po gnyi gar yang nyes par 'gyur ba ni rtag tu zin na ni rgyur 'gyur ro/ /blo gros chen po mu stegs byed thams cad kyi rgyu rnams ni ma byas pa rtag pa ste/ de bas na ma byas pa rtag pa'i phyir de bzhin gshegs pa ni rtag pa'ang ma yin no/ /mi rtag na ni byas pa mi rtag par 'gyur ro/ /

_{iiif viewer powered by OpenSeadragon}

140b - 141b

Texts on this page