rKTs

e-texts navigator

Volume

Page

140a₁ zhes sems dang / yid dang / yid kyi rnam par shes pa'i mtshan nyid 'dris par bya ba la mkhas pa dang / bdag dang bdag gir 'dzin pa dang / chos dang / gang zag la bdag med pa dang / 'jug pa dang / ldog pa dang / rang dang / spyi'i
140a₂ mtshan nyid la 'dris par bya ba dang / so so yang dag par rig pa rnam par gdon mi za ba la mkhas pa dang / dbang la chags pa'i bde ba dang / sa'i la rjes su 'jug pa dang / byang chub kyi phyogs kyi chos rnam par dbye ba ngas byas so/ /de'i phyir sa'i
140a₃ rnam par gzhag pa byas te/ blo gros chen po 'di la gang yang 'jug pa'am/ ldog pa med do/ /gzhan du na 'di lta ste/ sa'i dang / mtshams sbyar ba khams gsum pa sna tshogs su btags pa 'di ni rang gi sems snang ba tsam ste/ byis pa rnams kyis ni khong du
140a₄ mi chud do/ /byis pa rnams kyis khong du ma chud pas khams gsum pa sna tshogs su btags pa 'di ni sa'i mtshams sbyar ba bstan pa dang / nga dang sangs rgyas de dag gis rnam par bzhag go/ /gzhan yang blo gros chen po nyan thos dang / rang sangs rgyas rnams
140a₅ ni byang chub sems dpa'i sa brgyad la 'gog pa'i snyoms par 'jug pa'i bde ba'i myos pas myos te/ rang gi sems snang ba tsam la mi mkhas pas rang dang / spyi'i mtshan nyid kyi sgrib pa'i bag chags dang / gang zag dang / chos la bdag med par 'dzin pa'i lta bar lhung bas
140a₆ rnam par rtog pa de la mya ngan las 'das pa mos pa'i blor 'gyur te/ rab tu dben pa'i chos la mos pa'i blo ni ma yin no/ /blo gros chen po byang chub sems dpa' rnams ni 'gog pa'i ting nge 'dzin gyi bde ba'i sgo mthong nas sngon gyi smon lam dang / snying brtse ba dang / snying rje dang
140a₇ ldan zhing mthar thug pa'i gnas kyi 'jug pa rnam par dbye ba shes pas yongs su mya ngan las mi 'da' ste/ de dag ni rnam par rtog pa mi 'jug pas/ mya ngan las 'das pa yang yin no/ /de dag gi gzung ba dang / 'dzin pa'i rnam par rtog pa ni rnam par log go/ /chos

_{iiif viewer powered by OpenSeadragon}

139b - 140b

Texts on this page