rKTs

e-texts navigator

Volume

Page

13b₁ sems dpa' dang yid dang rnam par shes pa'i gsang ba la mkhas par 'dogs na de tsam gyis thams cad kyi thams cad du mi 'dogs so/ /blo gros yangs pa gang gi phyir byang chub sems dpa' nang gi so so nang gi len pa mi mthong / len pa'i rnam par shes pa yang mi mthong
13b₂ la/ de yang yang dag pa ji lta ba bzhin du yin pa dang / kun gzhi yang mi mthong kun gzhi rnam par shes pa yang mi mthong / bstsags pa yang mi mthong / sems kyang mi mthong / mig kyang mi mthong / gzugs kyang mi mthong / mig gi rnam par shes pa yang mi mthong /
13b₃ rna ba yang mi mthong / sgra yang mi mthong / rna ba'i rnam par shes pa yang mi mthong / sna yang mi mthong / dri yang mi mthong / sna'i rnam par shes pa yang mi mthong / lce yang mi mthong / ro yang mi mthong / lce'i rnam par shes pa yang mi mthong / lus kyang mi mthong /
13b₄ reg bya yang mi mthong / lus kyi rnam par shes pa yang mi mthong / blo gros yangs pa gang gi phyir byang chub sems dpa' nang gi so so rang gi yid kyang mi mthong / chos rnams kyang mi mthong / yid kyi rnam par shes pa yang mi mthong la/ de yang yang dag pa ji lta ba bzhin du
13b₅ yin pa de ni/ byang chub sems dpa' don dam pa la mkhas pa zhes bya ste/ de bzhin gshegs pa yang byang chub sems dpa' don dam pa la mkhas pa ni sems dang yid dang / rnam par shes pa'i gsang ba la mkhas pa yin par 'dogs so/ /blo gros yangs pa
13b₆ de tsam gyis na byang chub sems dpa' sems dang yid dang rnam par shes pa'i gsang ba la mkhas pa yin la/ de bzhin gshegs pa byang chub sems dpa' sems dang yid dang rnam par shes pa'i gsang ba la mkhas par 'dogs na yang de tsam gyis 'dogs so/ /de nas
13b₇ bcom ldan 'das kyis de'i tshe tshigs su bcad pa 'di dag bka' stsal to/ /len pa'i rnam par shes pa zab cing phra/ /sa bon thams cad chu bo'i klung ltar 'bab/ /bdag tu rtog par gyur na mi rung zhes/ /byis pa rnams la ngas ni de ma bstan/ /blo gros yangs pa'i le'u

_{iiif viewer powered by OpenSeadragon}

13a - 14a

Texts on this page