rKTs

e-texts navigator

Volume

Page

139b₁ de bas na sa bdun la ni gang gis snyoms par 'jug par 'gyur ba'i sems skad cig sems skad cig la snyoms par 'jug pa mkhas pa med do/ /blo gros chen po sa brgyad la ni byang chub sems dpa' rnams dang / nyan thos dang / rang sangs rgyas rnams kyi sems dang / yid
139b₂ dang / yid kyi rnam par shes pa'i rnam par rtog pa dang 'du shes ldog par 'gyur ro/ /sa dang po dang sa drug la ni khams gsum pa sems dang / yid dang / yid kyi rnam par shes pa tsam ste/ bdag dang bdag gi med pa rang gi rnam par rtog pa las byung ba phyi rol gyi
139b₃ dngos po'i mtshan nyid sna tshogs su lhung ba ma yin par mngon par rjes su mthong ngo / /gzhan du na byis pa rnams kyi rang gi sems nyid gzung ba dang / 'dzin pa'i dngos por rnam pa gnyis su 'gyur te/ thog ma med pa'i dus nas spros pa'i gnas ngan len gyi bag chags kyis
139b₄ bsgos pa rnams kyi mi shes pas khong du mi chud do/ /blo gros chen po sa brgyad la ni nyan thos dang / rang sangs rgyas dang / byang chub sems dpa' rnams kyi mya ngan las 'das pa yin te/ byang chub sems dpa' rnams ni gang gis yongs su mya ngan las mi 'da' bar ting nge 'dzin
139b₅ gyi sangs rgyas rnams kyis ting nge 'dzin gyi bde ba de las rnam par 'dzin to/ /gal te ma bzung du zin na de bzhin gshegs pa'i sa yongs su ma bskangs pa'i phyir/ sems can gyi bya ba'ang rgyun chad par 'gyur/ de bzhin gshegs pa'i rigs kyi gdung yang chad par 'gyur bas
139b₆ na/ sangs rgyas bcom ldan 'das de dag sangs rgyas kyi che ba nyid bsam gyis mi khyab pa'ang ston te/ de'i phyir de dag yongs su mya ngan las mi 'da'o/ /nyan thos dang / rang sangs rgyas rnams ni ting nge 'dzin gyi bde bas 'phrogs par 'gyur te/ de bas na de dag ni de la
139b₇ mya ngan las 'da' ba'i blor 'gyur ro/ /blo gros chen po sa bdun la byang chub sems dpa' sems dpa' chen po rnams rang dang / spyi'i mtshan nyid mi shes shing sa'i dang / mtshams sbyar ba la mi mkhas pas mu stegs byed kyi lta ba dang lam du lhung na mi rung ngo / /

_{iiif viewer powered by OpenSeadragon}

139a - 140a

Texts on this page